O tupulaga talavou o le matāfaioi a le tinā

By Deidre Fanene 24 January 2017, 12:00AM

O Selina Te’o 55 tausaga mai le afioaga o Vailavea, Samatau ua mautu lava lona finagalo.

A fa’atamala le tina i le tausiga o le fanau o le mea moni lava o le a faaletonu foi le lumanai o le tamaititi. Ina ua asia e le Fofoga o Samoa le tina o lo’o fai lana malologa i lona laoa i Samatau.

“Ou te talitonu lava a’u ia i le tele o fa’afitauli o loo alia’e ma ii lenei vaitau i tupulaga talavou o le matafaioi lava a le tina.

“O le tiute lava o le tama o le galue lea aua manuia o aiga, ae o le tina o ia lava e gafa i le vaaiga o le fanau ma ia mautinoa o loo iloa e tamaiti tu, savali ma faaaloalo i nofoaga faitele.

“Aemaise lava i fanau teine o le latou matafaioi pitosili lea ona taua o le vaavaaiga o fanau teine.”

Sa taua e le tina o ia e toafitu lana fanau ae o lana matafaioi pitosili lea ona taua o le vaavaaiga o nai ona alo tamaitai.

“Ou te augani lava i la’u fanau teine aua o nei ona aso ua saoasaoa lava le soifuaga ma ua tele foi faafiatuli o loo tutupu mai i le tele o fanau teine.

“O totonu o Samatau e toafa lava komiti o pitonuu ma e mamalu foi faiganuu a pitonuu uma nei e fa.

O le ala foi lea e leai lava ni faafiatuli e tutupu ma ii tupulaga talavou a Samatau ona e mamalu faiganuu a alii ma faipule.

“Out e talitonu foi o le ala lea o le tele o faafiatuli e tutupu mai i le taulaga i Apia ona e moi lava e le mamalu faiganuu ona o le toatele o tagata o loo aumau ai e mai i ma o.

  “Ana fa’apea foi la e pei o faiganuu a nuu i tua nei ou te talitonu e leai lava ni faafitauli e tutupu mai i tupulaga talavou.

Sa toe pā’ia e le tina le itu i le fanau teine.

“O aso nei ua fai lava si saoasaoa e faanoanoa lava le loto i le tele o fanau teine o loo tutupu mai ai faalavelave i nei aso ona o le faatamala lava o matua aemaise lava tina i le vaaiga o le fanau.

“Ia ao ona tatou taunapa i tatou fanau teine ona e faigata lava le vaavaaiga o latou i nei vaitaim.

“O au ia e le mafia ona ou nofonofo lelei pe afai e uma ona alu lau tama teine i se feau e popole lo’u loto ona o le tele o faafitauli ua tulai mai.”

By Deidre Fanene 24 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>