Fai le Fa’atesema – Tuilaepa

16 March 2018

(OFISA SOOUPU)   O le faatalatalanoaga lenei a le Palemia, Afioga Tuilaepa Dr. Sailele Malielegaoi na pueina i le polokalame a le 2AP ma le Palemia lea na ia saunoa ai agai i faiga faamati lea ua faagasolo a nisi o Ekalesia i lenei foi vaitausaga.

2AP:    Lau Afioga e lelei ia le ta ō ia i lalo o le talie ua leva ta te le’i toe ō i ai. Ou te alu atu nei i le NPF, sole! Matuā tumu ā.

Tuilaepa:    O le a le mea na e alu ai fua i le NPF?

2AP:    E ese a si a’u mataupu ae matuā tumu a i le au fai loan, o’u fesili atu ae sau le tali o le Faamati.

Tuilaepa:    E a?

2AP:    Ou te fesili atu ae fai mai o le faamati.

Tuilaepa:   Ia o Mati lenei.

2AP:    Ia auā ou te iloa o oe e te faamati i Fasitoo-uta…..

Tuilaepa :    E fai foi si a matou faamati, ou te fai atu ana faapea ou te pulea nei mea, mamanu ua leva ona ou fautuaina, se tatou o i se faiga fou; tuu ia mea o faamati ae fai le faatesema.

2AP:   Fai le faa a?

Tuilaepa:    Faatesema.

2AP A o le a se eseesega?

Tuilaepa:    A foi e tuu ia Tesema o le taimi e fai ai mealofa, ia o lona uiga a faatesema e tasi a le mealofa e kava uma ai ma le Kerisimasi. A’o le faamati ae tuu i le taimi o lea e fai ai pili o tamaiti, ua leva ona tatau ona le toe faia nei mea, ae faatesema loa.

E ala ona ou fai atu, se ua ou lailai i le mea lea o tagata foi ua manatu o a’u o se latou tama.

2AP :    E a?

Ua manatu….le mea foi lea o faalupega lea e fa’ase’e ai a’u.

2AP:  Ia.

Tuilaepa:    E le’o o oe, ae i ai isi taimi e te mao atu ai ma oe i lou faapea mai, a o oe o le tamā o le atunuu; vaai e tofu a le tagata ma lona tamā.

A o au upu fa’ase’e la ia, ua tau au ai ina…o le oo ane a i le faamati tu mai lea i i, tu mai lea i i e oo i le pili tu mai i ate a’u, ua pei o sa’u fanau.

2AP   Ia o le faaopoopoga a na o ou manuia…

Tuilaepa:   Hahahahahahaha…… e te iloa le mea lea ou te iloa, na amata le ta talanoaga o totoe nai laulu i lo’u toe le’i sinā, o le matuā sinā ā ona o mea la ia.

Vaai la oe i le mea lea e alai ona ou fai atu, o la foi e tapena nai a matou faamati i Fasitoo, o la’u ekalesia EFKS i Falevao, o la’u ekalesia EFKS i A’ufaga, o la’u ekalesia EFKS i Lepā, ae leai la se faamati a la’u ekalesia Katoliko i Siusega.

2AP:    Ua ou faalogo foi o fetauaina e ese foi le ituaiga auala la e fai ai?

ADVERTISEMENT

Tuilaepa:   E ese le ituaiga auala e faaigoa la e matou o le corporate table.

2AP:    O le a le igoa? 

Tuilaepa:   O le corporate table.

2AP:    Oi a o lea e omai faatasi ai uma mea ia?

Tuilaepa:   Ioe, ia lea la e tuufaatasi ai i uma mea uma, ia poo le lūlū i isi taimi, poo le tapolo i isi taimi.

A’o le tulaga lea e se’i o’u talanoa atu, e leai se mea e pisa ai fua tagata i le mea, a? E telē lona aoga, afai e sui aua le…..auā o le mea o le mea e faatamaoaiga ai le galuega a le faifeau, e ui a e ia a foi le muimui.

Ia fai mai isi, o lea talanoa atu, laa talanoa atu la tuu ia i i la’u EFKS i Falevao, tuu la’u EFKS i A’ufaga, tuu la’u EFKS i Lepā, a la’u talanoa faa EFKS i Fasitoo auā e fai ai foi o’u alofa ma a’u taulaga.

E ala ona fai le mea lena, e i ai le misiterio lilo lea, ou te le iloa poo oo i ai ia mafaufauga, e te matai fai tonu loa, e tatau ona e le na’o faapea na o lou ti’eti’e i le matai ma fai au mea faalenuu, fai au mea faalelotu.

Auā a fai o oe o le matai fai tonu, o le tele o mea fai a le nuu o mea faa-le-ekalesia, ia o le mea a la e fulisia i ai le ekalesia, ia o ina la ou te aga’i i ai, e fulisia a la i le EFKS Fasitoo, ia poo le matou nuu i Falevao, ia poo le matou nuu i A’ufaga poo Lepā ia e talanoa ai la mea ia.

Ia e i ai a le faagaulemalie auā o mea a na e masani ai, e le’o ni mea fou. Ia ae fai mai isi, a’e saga fai a nei mea o mo mea o falalilii, ua le’o toe nonofo nisi i luga o falalilii. A’o le mea foi o la ua faaaupegaina faifeau ae saga fai a nei mea e le moomia.

Ia na uma loa lea o lena, ia o ta faalogo atū ia fai mai ia ona sau foi lea o le asiasiga a le Tiakono Toeaina, ia na sau loa lea o le Tiakono Toeaina ma le loli e iva tane alu ma ia mea uma a ia, o lona uiga pei se mea foi lele mo le Tiakono Toeaina.

I lo’u la taofi aua le…

2AP:    Fai fuafua?

Tuilaepa:    E le ai, aua le muimui fua, fai le mea la e fai mai ai, auā o le faifeau ia e leai a sona leo na o le io a, e le’o se tagata o le nuu o le feagaiga tau i le lagi a le nuu.

2AP:    O lona uiga la o matai faitonu e tele ai ina faaletonu ai mea ia?

Tuilaepa:    O matai a faitonu, e leai la se mea e muimui ai fua matai faitonu a la e i ai le auala o mea. E te manatua le auala o mea, a i ai ni mea faapea talanoa le Ekalesia i le Pulega, Pulega i le Matagaluega, Matagaluega i o i le Fono Tele ia o ina la e lote ai mea.

Ae soia le muimui ua iloa foi, e sa tele le muimui leaga o tagata nei e paia, a? na o le mea e faasala ai e le Atua.

O le mea la lea o lea, alii pei ou te tau vaai atu pei e te tau faitio foi…

2AP:    E leai..

Tuilaepa:    Aua e te faitio..

2AP:    Fai atu o lo’u alu atu o tumutumu foi lele…

Tuilaepa:    O tumutumu i i?

E te iloa ua ou faafetai ua o i o, aua ana le o i o…

2AP:    Ua tumu mai i..

Ua tumu mai i, a?

16 March 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?