O LA’U TALA FO’I

24 June 2016

1. Matauina i Tala Fou fai mai ua tuua’ia tamatama’i-lima o ta’ita’i o Ekalesia-ona o le faaletonu o le tulaga faale-agaga o tagata o tagata! O le saunoaga lea a le Tiakono o Kasiano Le’aupepe. O lana ta’utinoga fai mai –‘e leai se isi na oti i lona taimi ona o  le ‘sasa’ e matua.!

O le mea moni lava-ua avea i matou ma tagata lelei-ona o le sasa e o matou matua! A faitau manino lava i le finagalo o le Tiakono-o le mea lena sa soifua mai ai tagata Samoa uma i na ona taimi-ma o le pogai foi lena-sa amio pulea ai fanau-ma leai ni nei mea o ni kegi faatupu faalavelave ma le gaoi o mea! O le pine o le mau a le Tiakono- e ta loa le faigalotu i nuu uma o Samoa-faofale loa aiga uma e aofia ai ma fanau.

O iina e talosia ai fanau ma aiga uma- e avatu ai ma le a’oa’iga a matua. A ta foi le vavao i le po- e leai se tasi e toe fealua’i-ma e momoe faatasi uma matua ma latou fanau-O lona uiga la-o matua sa gafa ma le aoaoina o le fanau-talosia a latou fanau-ma avatu le faatonuga mo latou olaga i aso uma! E na o maota lava o Faife’au le isi nofoaga- e mafai ona o i ai le fanau -e ese ai mai o latou aiga! Ma o iina sa maua ai timaiga faale-agaga-e saga faaleleia ai o latou olaga i aso uma!

Ae a la aso nei? Ua le kea matua i fanau. Ua mua ona popona i le Bingo ma le o i Fale Kalapu ma isi lava mea e leai se aoga-ae tu’ufau le fanau e feoa’i solo i taimi o faiga-lotu ma taimi o le vavao! O le a la le tulaga ua i ai nei tupulaga talavou a Samoa? O le tali- ua latou mafai ona faia soo se mea leaga mataga -e pei o le gaoi-talepe fale-toso teine-fasi tagata ma isi mea leaga uma! Silasila i le Falepuipui ma lona tulaga i le taimi nei!

O le fesili-sa masani ai ona falepuipui ni teine o Samoa? O le a la le pogai?  O le tali-o le malosi o le faatalale o matua!Atonu foi o loo i ai se lape o le aufaigaluega a le Atua-ae afai o le tofi o le matua -ma soo se matua- o lana fanau-aisea la o le a tuua’ia ai fua isi? O le a sou taofi? 

ADVERTISEMENT

2. O lea fo’i ua ta’ua i Tala Fou se alii talavou mai Avele e faapea na tatui i se ofaiga malosi…! O lea la alii -fai mai o loo i le Falema’i-ma o loo taufao le mai ma le magalo. O lea la alii fai mai na o ma se tasi i le faleoloa- ma o le taimi lea na osofa’ia ai-ae le o iloa poo le a le mafuaga!.

A tatou tilotilo la Samoa i nei faalavelave-aemaise ai lava o i latou o loo faatinoina-ona lagona ai lea o le vaivai o le loto-talu ai-afai o tupulaga talavou ia e taulamua i nei mea-o le fesili ma le faaaloalo-o fea faamolemole o i ai o latou matua?

Afai la o fanoanoa le aiga o lea tamaitiiti-o le lagona moni- ‘e moni lava e tiga ma matuitui’-ae faamata e mafai ona tupu mai lea faalavelave-pe ana mata’itu e lona aiga –ana gaoioiga uma? Afai la ua tausolomua le tupulaga ona faatupu faalavelave i le taimi nei-o le upu moni’-“Talofa ia te Oe Samoa” mo lou Faavae o loo e mitamita ai-ae o lenei ua avea tupulaga fai mai o Samoa ma tagata faatupu faalavelave i totonu o lo latou lava atunuu!

Afai la ae o mai nei ma isi tagata faatupu faalavelave mai fafo-o le upu moni Samoa-“Ua fafo tatou ma le Maafala” O le a sou taofi? 

3. Matauina foi i Tala Fou se ulutala fai mai-“E matua maoa’e le lagolagoina o le Tala Faatatau o Tupe a le Minisita o Sili-ma o le matau i ata o e na lagolagoina- e pei ona lomia- e moni lava e toatele faipule na lagolagoina……!

O le mafuaga la o lea lagolago- e le o manino mai-ae afai e toatele faipule na lagolagoina-e le taumate la o ni faamanuiaga tau itumalo o loo aiaia ai.

Sa i ai le manatu o le maoa’e o lea lagolago a faipule i le Tala o le Tupe-ona ua “faaitiitia le Tau o le Soifuaga” -poo ua faaitiitia foi le tau o le eletise-talu ai o lea e totogi e tagata le tau o le suau’u lea e aumai e vili ai le eletise-toe totogi e tagata le aitalafu a le Faalapotopotoga-ae toe totogi foi ma pili o latou lava eletise!

Maumau la pe ana lagolagoina malosi e faipule o-na o se mea e manuia ai le atunuu- aemaise ai o le mafai ai ona toe faaola mai o tupe a le atunuu ia na maumau i faiga pi’opi’o a le faiga-malo! O le a sou taofi?

24 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?