Galulue fa’atasi e mama ai le avega

FT
By Fetalai Tuilulu’u, 23 February 2017

Na maua le fa’atalatalanoaga a le Fofoga o Samoa ma Alofaatu Nopno 42 tausaga le matua i le aso ananafi na ia fa’ailoa ia e faigata le olaga ae mea sili ona lelei ai o le toatele o lima e māmā ai se avega. 

“Ou te iloa o le soifuaga lava e taugata ae pau o lea aua nei tatou nofonofo ai pe fa’alagolago ai.

“E ao lava ina o tatou fa’atino ma fai le tatou mafatafaioi aua lava aga’i ai i le lumanai aua lava nai aiga, o lana lea saunoaga

“Ou te fiagaluega lava ona o lo’u alofa i si o’u aiga. 

“E toalua foi si a’u fanau faigluega o lo’o fesoasoani malosi i si o matou aiga. 

“O le naunautaiga ia’i matou ma si a’u fanau ia aua nei ola falõlõ ma ola fiaaai si o matou aiga. 

ADVERTISEMENT

O le ala foi lea e maua ai lava e le tama le lagona mafanafana ona o le galulue fa’atasi o ia ma le fanau mo se lumana’i manuia o le aiga, ma o se tasi foi lea o vaega o lo’o una’i ai ia e faigaleuga ona o le fesoasoani tele o le fanau.

“Ia o le lelei foi le na o se aiga o le pulupulu lima fa’atasi o galuega fai.

O le tulaga tau seleni i le tupe maua i le vaiaso a le tama ma le fanau e le lava le fa’asoa aua i lona manatu fa’alia $100 e tusa le na ma le $1 pe a fua iai i le taugata le soifuaga.

“Ae ui i lea o le ave lava le fa’amuamua i mea e ao ona ave ai le fa’amuamau ma taumafai lava e paketi le seleni maua.

O le faigaluega ai o le tama ia Alofaatu e avea ma sikulaki i le Marine Edge i Matautu Tai e maitauina lava le lē sefe ae peitai e fa’aoso fia lava le faigaluega pe aua o lo’o iai fesoasoani malosi o si ana fanau faigaluega.

“O le a lava le tupe e maua e leai se popole aua foi o lo’o iai foi se isi o fa’asoa mai le fanau faigluega. 

Na ia taua le o le olaga lava  o lo’o tatou iai nei, o le galuega lava e tua ai i le tele o taimi. 

E talitonu lava o le tama ia Alofaatu o le galulue fa’atasi e māmā ai lava se avega.

FT
By Fetalai Tuilulu’u, 23 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?