Ia fesoasoani le tasi i le tasi

By Vatapuia Maiava 13 December 2016, 12:00AM

O lea le soifuaga na fa’ailoa e le tinā i a Nive Afele o Faleula e tatau ona soifua ai le tele o tagata aua o le faigofie lea o so’o se galuega e fa’atinoina.

“O lo’u iloa i ai, a e iloa ona e ola e fesoasoani i le isi ou uso a tagata ia e le taumate o le a mafai fo’i ona faia maia e le isi tagata i a te oe.

“E pei ona outou tau mai , o lea le olaga o lo’o matou ola ai i matou i totonu o si o matou nu’u ia mafai lea ona fesoasoani o le isi tinā i le isi tinā.

“O se itu lelei tele lea i lo’u iloa i ai aua e tele lava ona maua ai manatu lelei ma isi mafaufauga lelei tele atu.

 “O lea lava le olaga na soifua mai ai le tele o nai o tatou tagata e fa’apea lava ona fesoaoani le tasi i le tasi ae o lenei taimi ia ua le toe va’aia lea tulaga.

“Ae pei o le lelei ai fo’i lea o galuega a nai tinā e tele lava vaega e talatalanoa mo le lelei alu i luma o aiga.

Na ia fa’ailoa o le totoina ai o se fa’ato’aga e le’i mana’o lava e fa’atino.

“Aepeita’i ina ua fa’asoa mai fo’i se tasi o uo e pei o lea le tulaga na mafua ai loa ona galue i vaega nei ia ae fai atu e manaia lava ma o le fesoasaoni tele lea ua i ai i lo matou aiga.

“E leai se isi o faigaluega ae pei o vaega nei o lo’o fa’atau atu ma maua ai tupe maua aua le tausiga o le aiga i so’o se taimi.

 “O le taimi muamua lava e pei o le pinati na muamua lava o matou totōina ma e o’o mai le taimi lenei ia o lea ua sui i le pi ma e manaia fo’i lea suiga i lo’u iloa i ai.

 “E pei o lea le aoga o le galulue fa’atasi ai aua e maua ai pea mea lelei aua nai aiga.

“Na faigaluega nisi o fanau ia o le taimi lenei ua le toe faigaluega ae fa’afetai o lea e maua nei vaega e tau fai atu ai le tau o le soifuaga ua matua’i ova le taugata.

“E pei o lea fo’i le una’i malosi le tele o aiga, ia aua le nofoa’i ae taumafai e galue le ele’ele.

By Vatapuia Maiava 13 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>