Manaomia se fesoasoani mo lona aiga

By Aruna Lolani 10 August 2017, 12:00AM

E mana’omia lava e Tomasi Tauai se lima e fesoasoani atu mo ia ma lona aiga.

O lo’o taumafai o ia e atinae lona aiga ao le faafitauli, e leai se latou vai ma o loo taumafai pea o ia e maua se fesoasoani i le latou maota o loo i ai nei.

Na maua lana faatalatalanoaga ma le Fofoga o Samoa i Samusu ao faia lana galuega.

“Sa ou faigaluega muamua, ona ou tilotilo loa, e faigata ia te au ona ou alu faigaluega ae tuu na o le fafine ma le fanau ona o la ou te iloa, o teine uma lau fanau le taimi nei, e laiti ma e le mafai ona o e tautua le aiga."

“E le’o lelei foi le matou vai lenei taimi, e leai se matou tane. O le kalone o lo’o taumafai ai le apa e maua mai ai se vai pea timu."

“O le taimi la nei, o la’u galuega tele lena pea ou malaga i le matou nu’u aua o nei lea ou te faiava ai."

“Ou te alu faatutumu uma paelo ma le kalone, o’u malaga ai loa laia aua le tina o le aiga ma le fanau."

“Ou te fai lea galuega ma la’u fua, e fetaui lelei le taimi ou te toe foi mai ai."

“O le taimi la nei, e leai se auala e faapea e maua mai ai se tupe. 

Sa ou mafaufau ou te alu ou te faigaluega i se taimi nei ina ia maua ai se tupe vave ina ia maua ai foi se tupe e tausi ai le toalua ma le fanau aua o tua iinei, o le maumaga e pei o se alagatupe na iinei."

“A le galue le tagata, o ia i lona faatamala ma lona le tago lima. O lau maumaga o lae faavaoa le pito i o ina ia toe maua se palapala lelei." 

“O le taimi la nei, e le’o iai sa’u talo e ono faatau e maua mai ai sau tupe i le taimi vave nei."

“Ou te manaomia la se fesoasoani i se tane vai. E tusa foi pe leai sa’u tane ae ou te manaomia a le faaola o le matou vai."

“O le vai i le taimi na ou taunuu mai ai, e leaga le vai. Tusa o lea e fou mai nei , le le misa o le omai a le au fai vai e omai e kiliva mai le vai ma omai e vaai paipa a tagata."

“O matou e lima vaivai, e manaomia foi le fesoasoani i le matou fale o loo matou nonofo ai. E manaomia ni sima, laupapa ma ni apa o le fale e faaleleia ai foi lo matou maota.”

A e fia fesoasoani ia Tomasi Tauai, faamolemole faafesootai o ia i le numera 7722446.

By Aruna Lolani 10 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>