Fesoasoani i le aiga

By Ulimasao Fata 25 November 2017, 12:00AM

E le’o toe faigofie nei aso.

O lea le finagalo Le’a’ana Fa’amoe o Faleasi’u i le Fofoga o Samoa i le aso ananafi.

“Ia e leai lava se tasi e le’o toe iloa le taugata o le tau o le soifuaga ua i ai nei si o tatou atunu’u.

“O le itu taua lava o le taumafai ai lea ina ia fa’atino o vaega uma aua le lelei alu i luma o nai o tatou aiga.

O Lea’ana e i ai ona alo ma o lo’o fesoasoani malosi i le aiga.

‘Ia e pei o nai fanau lava o lo’o tua i ai le tele o taimi, aua o lo’o i fafo le to’atele, ia ma o lo’u ia iloa i ai e ao lava ona fa’aaoga lelei ai lo tatou taimi mo le fa’atinoina o vaega uma nei.

“O se itu taua tele lea i a te a’u lavaia, aemaise o le aga’i atu ai  le lumanai.

“Ua le toe faigofie nei aso i le silasila o le atunu’u ma o se itu taua tele lea .

Na ia fa’ailoa e ao lava i o tatou tagata ona saili lava i le tele o vaega o lo’o mafai ona manuia ai mai le lauele’ele.

“E pei o lea lava le tulaga o lo’o ua i ai le taimi lenei, o a mea ua mafai ona o tatou maua ia o lea lava le tulaga e ao ona fa’atinoina.

“Ia o tatou iloa lelei, ia e le toe faigofie nei aso, ae ia to’a’aga e galulue.

Na maua le  fa’atalatalanoaga ma le tama o lo’o galue i lana fa’atoaga.

“ia o nai vaega lava nei o lo’o ua fa’alagolago tele mo le aiga, i nai vaega nei, ma o se itu taua tele lea, i lo’u iloa i ai mo le aga’i ai le lumanai.

‘Ia o le galue lava o lo’o fesoasoani e maua ai fo’i ma le malosi.

By Ulimasao Fata 25 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>