Manatu o le Fa’atonu - Ua matua atamamai tele i latou

27 February 2016

Tusia - Mata’afa Keni Lesa

Faaliliu e Seagaitumua Tupuola

 

A’o tatou i ai la i le totonugalemu o lenei tulaga tapenapena mo le faiga-palota, o mea tutupu ma le faavalevalea, e o mai faatasi ma se mana’oga tele tau le toe faaleleia e tusa ai ma foliga vaaia o le ata tifaga.

O le tulaga tonu lava lena, o lea matou te talanoa atu e uiga i ia “Tausoga Atamamai e To’atolu” ia ua manino mai ua matua sili atu ona popoto i lo nisi o igoa o ata tifaga tetele o le lalolagi, e tusa ai ma fuainumera o tagata na maimoa ai mai Niu Sila i le vaiaso talu ai. E matua uiga ese. E ese ai mai le anoano o folafolaga gaogao’i’ī a le toatele o sui faatutu mo le faiga-palota, o lenei ata tifaga-o le mea moni- o lea lava ua tino mai e tusa ai ma lana upu- e faafiafia ai, fesoota’i ai ma tuuina atu ai mea malie. 

Afai o ni toe auiliiliga i taimi amata o se mea lea e tatau ona fai, o lenei ata tifaga o loo i ai se lumana’i malamalama i ona luma, ma e ono mafai ona avea ma mea e sui ai le taaloga  mo ona faatonu talavou, i latou na aafia ai ma le aufaigaluega. 

Ma o le fuafuaina o le taimi e faaali ai i totonu o Samoa ua matua fetaui lelei.

I le taimi tonu lava ua manaomia ai e tagata uma lava sina mapu mai upu e pei o le monotaga, faamasinoga, ma le isi anoano, o lenei ata tifaga ua maua mai ai se faamafanafanaga tele ma le mapu o le mafaufau. Ua na save’uina foi lagona tau le lotonuu ma faafetaia mea uma lava tau Samoa i se taimi ua manaomia ai le tupu mai o lea tulaga.. 

ADVERTISEMENT

Uso e, e matua leai lava se masalo e uiga i lea ata tifaga. I le taimi nei ma ieluā, e tatau ona faamanatu mai ia i tatou e faapea e ui lava i nei mea faaletonu uma ma le sese, ae mafai lava ona avea lenei atunuu ma atunuu uiga ese, a itiiti mai -pe a pa’ia ona  tomai ma ana faafiafiaga. E le o le taimi muamua lenei ua faalauiloa ai le tulaga magafagafa ma le aga malie i luga o se malae faava-o-malo i tagata maimoa o le lalolagi atoa. 

Ua uma ona tatou faia le Faaipoipoga a Sione, O le Failauga, o Samoa Toē ma le tele o isi lava ata tifaga uiga ese ma faaaliga. Ma i le taimi nei, o le taimi lenei o Tausoga Atamamai e To’atolu i lalo le pupula a le molī ma ua tatau ona latou maua le tulaga aloa’ia ma viiviiga o loo latou maua i le taimi nei.

Ae peitai- o le mea ua faatino e lenei ata tifaga-o le una’ia lea o le manatu e faapea o le alamanuia tau ata tifaga e aofia ni tagata Samoa-e mautinoa lava ona matua siitia i luga ma o se malosi lea e tatau ona tatou amana’ia. Ua leva ona faateleina lona malosi ma lona lauiloa e o’o mai i le taimi nei ma o se mea fiafia le mafaufau i le taimi na te ‘ausia ai lona tulaga maoa’e atoatoa. 

O Samoa ma mea a Samoa o le mea moni e i ai lava se nofoaga i totonu o le maketi. O se mea lea e faigata ona tata’e ae o nisi o a tatou lava tagata pu’e ata tifaga ua leva ona latou samalaina lea tulaga i le tele o tausaga ma o lea ua o’o mai i le asŏ, o le mea moni lava faigofie- e faapenei. Afai o i ai ni tagata i totonu o le Pasefika e mafai ona latou faia se mea mo le lalolagi e nonofo mai ai i luga ma vaai i ai, ioe-mate mai la e oe le mea o le a tupu, o i tatou lava.   

O lenei tulaga e tatau ona fetaui lelei lava mo e o loo fia avea ma faatonu, tagata pu’e ata tifaga, tagata e pu’eina ata, ma isi, ia e mulimuli ane ua latou maua le faaaloalo ma le lagolago e tatau ai mo i latou aemaise ai lava i aiaiga tau le faatupeina. 

I le ta’ua la o le faatupeina, o le aufaigaluega sa galulue ma le tiga mo le Tausoga Atamamai e Toatolu-na mafai ona latou faatinoina i se tala o le tupe faatauvaa lava. O le itu e sili atu ona uiga ese o le mea moni lea  e faapea o se ata tifaga na faatupe lava e i latou. Ia manatua la- e i ai lava se mafuaga mo lea itu, e tusa ai ma le Faatonu, o Sallone Vaiaoga Ioana. “Sa leai so’u manatu e mafai ona ‘ou faia i le faiga na fai ai e aunoa ma le faatupeina e i matou lava,” o lana faaaliga lea. “O le sau i Samoa ma aumai nei tagata Samoa e taiulu, semanu ou te le mafai ona faafoeina. 

O le mea lea-mo a’u lava ia- o lea tulaga e faasino i le pulea lelei.” 

Ia, a tatou talanoa la e uiga i le le faatinoina o folafolaga ma le soona tuuina atu. Matou te manaomia nisi o nei ituaiga o tala. Ua matou fai atu faapena-talu ai matou te iloa o nei ituaiga o galuega e le faigofie ona tuufaatasi. Latou te manaomia se lagolago tau tupe ma le fesoasoani-ia e masani ona faitau selau ma selau o afe-o lena faiga o le a mafai ai e tagata magafagafa  ona fai nei galuega tetele ma tino mai i luga o ata tifafa tetele. O le mea mautinoa-o se mea lea mo la tatou alamanuia tau turisi-aemaise ai lava tagata o loo i ai ato tupe- e mafaufau i ai ma lauiliu. I le taimi nei, matou te fia fai atu e faapea o le agamalie faa-Samoa ma tala e mautinoa lava le i ai o sona nofoaga i totonu o le lalolagi magafagafa. E tatau ia i tatou uma lava ona tatou fesoasoani ina ia mautinoa ai e faapea o le a faaauau pea ona avea lenei tulaga ma mea masani, i lea auala poo le isi auala. 

Matou te faailoa atu la matou faaaloalo ia i latou uma lava sa ta’iala i totonu o lenei vaega ma o ia lea e le’i fiu e ui lava i faafitauli ma lu’itau. O le oloa mulimuli ua tatau ma talafeagai ai ma lona faaiuga 

I le itu i le Tausoga Atamamai e To’atolu.’e le gatga ina latou atamamai, ae latou te matua uiga ese lava. O le mea lea-malo lava Sallone, Fesui Vito, Neil ma latou outou aufaigaluega atoa lava! Ia outou maua se faaiuga saofalemua o le vaiaso Samoa ma ia faamanuia atu le Atua! 

27 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?