Taua tiute Faa-tama

By Seia Soloi 19 February 2017, 12:00AM

O le tautuaina o le aiga e le’o se mea faigofie, e tele me a e fai toe moomia, ae tatou te le mafia ona tatou ‘aloese mai ai aua ua masania ai lava o atatou tagata i le tausi o aiga ma fanau

Na maua atu e le Fofoga o Samoa le Tama ia Samasoni Samasoni, 44-tausag le matua o le soifua mai Falelauniu, o lo’o faasavali ma faatau popcorns aua se tupe mo lona aiga i le Toonai o le Aso Sa;

“E $80tala e maua mai i la’u popcorn, ma o le tope a ia lea e mo le meaai i le Aso Sa ma pasese a le fanau i le aso Gafua aua e lelava lo’u totogi o lo’o maua mai. 

E faigaluega Samasoni I se tasi o faleoloa i Vaitele ma na ia faailoa e le taitai lava lona totogi o loo maua nei e faasoasoa mo lona aiga i le vaiaso;

“A maua lo’u totogi e faamuamua a pili aoga a la’u fanau, o se meaai mo lo’u aiga mulia’I ai loa mea fai a le aiga, aua e pei o mea e tetele a ia o lo’o alu iai tupe a lo’u aiga o faalavelave faaleaiga.

Aer mo ia ma lona aiga, e faamuamua lava e ia lana fanau aoga, aua so latou lumanai manuia, aua a uma atu matua ae o lo’o fouai mai fanau e tausia aiga mo le lumanai.

Ua maitauina foi e Samasoni  le tele o suiga ma luitau mo ia ma lona aiga, ae o lona talitonuga o le Tama lava o le aiga e tatau ona avea ma faataitaiga mo lona aiga, aua o ia o le ulu o le aiga.

“Ou te manao ia taulamua ia te au ona faia mea e sili mo lo’u aiga, aua a oo I le lumanai o galuega foi ia e faia e fanau pe a matutua.

O mea fai a le Ekalesia o loo tele ina alu ai le tupe a Samasoni ma lona aiga, aua e leai se faiga nu’u o iai i le taimi nei.

E moni o lo’o taugata le soifuaga, ae talitonu Samasoni o lona tiute lava lea, o ia o le ulu o le aiga, e saili mo se manuia o lona aiga, ma ia mautinoa o lo’o maua e lona aiga meaai ma mea e manaomia mo le ola ai I aso uma.

By Seia Soloi 19 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>