TALA FAASOLOPITO O SAMOA MAI LE AMATAGA

21 May 2016

OFISA O LE FALE LOMITUSI-APIA PRINTING OFFICE

Sa leai se Ofisa o le Fale Lomitusi o le Malo i totonu o Apia, talu ai o galuega tau lomitusi uma a le Malo sa fai e le Ofisa e igoa o le Samoanische Zeitung lea sa pulea e Herr E, Lubke ma o ia foi o le faatonu.

O Mr Mueller mai Kuiniselani, o le fesoasoani sili lea, ma e pulea e ia lomiga faa-Peretania a le nusipepa lea e maua i vaiaso uma ma e o’o mai i lea taimi ua ono tausaga talu ona lomia lea nusipepa. O le ‘afa o lea nusipepa e lomia i le gagana Siamani a’o le isi ‘afa e lomia i le gagana faa-Peretania.

O le totogi mo le nusipepa i le tausaga atoa pe afai o oe e te faitau i ai, e 16 seleni i le tausaga atoa, ae o totogi mo faalauiloa ma faasilasilaga e 4 seleni mo le inisi muamua ma le 2 seleni mo isi inisi ta’itasi uma.

O le Nusipepa a le Malo sa lomia i le gagana Samoa, ma o lona igoa o le ‘Savali’, lea e faatasi i le masina ona maua mai lea lava ofisa, e leai se totogi o lea nusipepa mo tagata o le atunuu, o le faamoemoe ia mafai ai ona faasalalau atu tala fou.  (Photo of Samoanische Zeitung-Apia Printinga Press).

ADVERTISEMENT

EKALESIA-Lonetona Misionare Sosaiete

Na amata le galuega a le Lonetona Misionare Sosaiete i totonu o Samoa ia Aokuso, 1830. Ina ua asiasi mai Rev. John Willians (Ioane Viliamu), lea na malaga faatasi mai Rev. Charles Barff (Papu) i Samoa ma tuu i Sapapalii ni faia’oga Tahiti ma isi nofoaga i le motu o Savaii.

O le 1835 na tofia ai ni misionare Europa se to’aono, e pei o Messrs Heath, Hardie, Mills, Macdonald, Murray ma Branden. E le’i umi ae tofia loa ni pule a’oga se to’alua ma se tagata e lomia faamaumauga. O le 1837 na tuufaatasia ai ekalesia i se vaega e tasi.

E o’o ma ii le 1840, ua aofia atoa motu autu e tolu o Upolu, Savaii ma Tutuila i se fesootaiga e ala i nofoaga o ekalesia. 

O le 1844 na faavae ai le Kolisi Faafaife’au i Malua, i se mamao lea e tusa ma le sefulu-lua maila i sisifo mai Apia i le motu o Upolu. O lenei galuega na pogai ai ona tuueseese Rev. George Turner, LLD, ma Charles Hardie.

O le tofi o Hardie sa mulimuli ane ona faatumuina ia Tesema 1859 e Rev. Henry Nisbet, LLD, ma aveeseina ai mai Sapapalii Savaii, lea sa nofo ai talu mai le 1850. Na maliu Dr. Nisbet i Malua i le 1876, ae faamalolo litaea Dr, Turner i le 1882.

Na tofia Rev. John Marriot i Malua i le 1878, ma o  Aokuso 1887 na aveeseina ai Mr Newell mai Savaii mo le Kolisi Faafaife’au i Malua. O Novema 1904 na maliu ai Rev Marriott, ma na suitulaga i ai ia Aokuso 1905, Pastor Ernest Heider mai Westphalia, Siamani.

21 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?