O le tupe a le fa’afitauli

AL
By Aruna Lolani, 28 April 2017

Ua tatou silafia uma lenei vaitau, ua tele le taua o le tupe i le olaga o le tagata ma o le tala moni a ia, ua fa’atupe mea uma. 

O le manatu fa’aalia lea a Henry Williams i le Fofoga o Samoa i le aso ananafi, i lana fa’atalatalanoaga.

E 45 le matua o lona soifua ma sa galue lenei tama i le ma’umaga ina ua taunu’u atu ai le savali a le Fofoga o Samoa. 

“E to’aiva la’u fanau, to’aono lau fanau ae to’atolu la’u fanau fai ma e a’o’oga uma i aoga maualuluga ma o se tasi lea o tupe fa’aalu,” o lana tala lea.

“E lelei fo’i le eletise ma le vai ae o nei mea uma e totogi ina ia tatou maua ai pea.

Sa fa’apea mai Henry, e na’o ia e faigaluega ma na’o ia fo’i o le alagatupe a lona aiga. 

E $200 lana tupe maua ma e taumafai lava o ia e fa’asoa. E le’o se galuega faigofie.

ADVERTISEMENT

“E ave a le fa’amuamua i a’oga a le fanau e tusa lava pe le lava se tupe e maua mai la’u galuega, ou te taumafai lava e fa’asoa.

“E taua a le fa’aa’o’oga o le fanau.

“E le’o se mea faigofie le ala i le 5:00 i le taeao po, ma manava i le 4:00 i le afiafi ae ou te fa’amalosi a aua o lo’o fa’amoemoe mai le aiga.

 “Tatou ia e ola i le ipu ti ae sefe tupe mo aoga a tamaiti.

“E le’o toe faigofie le su’ega o le tupe.

Sa ta’ua fo’i e Henry i le Fofoga o Samoa, o lesi ana alagatupe e fa’alagolago ai o le ma’umaga.

“O le tupe a le mea loua iai ma o a lava ni auala e maua ai le tupe, ia galue ai.

“E lelei a le iai o se si mea e tua iai pea fa’apea e malolo mai le galuega.

“Ou te galue a la i le ma’umaga i taimi e malolo ai galuega po’o taimi fo’i ou te manava ai, pe’a o’o atu a la e iai se malosi.

“E aoga fo’i lea galuega e fa’atau atu aua sesi tupe maua.”

AL
By Aruna Lolani, 28 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?