Tatou te mana’omia uma le vai

AL
By Aruna Lolani, 25 April 2017

O le fa’atalatalanoaga a le Fofoga o Samoa ma se tasi o tama 66 le matua o lona soifua, mai Leusoali’i, Sopo Vasasou sa ia fa’aalia ai lona mana’omia tele o se tulaga lelei o le latou vai.

Sa ia ta’ua fo’i o lenei tulaga o se tasi o lu’itau mo ia i lenei olaga.

“E sili atu ia a’u le le ai nai lo’o le leai o se vai.

“O le matou fa’amoemoega lea e iai i le vai, o le fa’atanoa a le nu’u ae peita’i, o le tele o taimi e malosi ai le vevela o le tau ma e mimiti uma e le la le vai mai le fa’atanoa a le nu’u.

“A tupu la lena tulaga, ia e toso fo’i a le matou uilipaelo i lalo nai aiga ia e lalo ifo o matou aua le aumaiina o ni matou vai.

Talosagaina malosi pea e lenei tama se latou ia laina paipa po’o se tane vai fo’i.

“Ia ua uma ona matou fa’afeso’ota’i i le pulenu’u aua o le pulenu’u a ia e ave ai matou mataupu ona fa’afeso’ota’i e le pulenu’u o matagaluega ia e feagai ma mea ia.

ADVERTISEMENT

“O le taimi la nei o lea e fa’atali aua o le tali a le matou pulenu’u, o le tali faigofie, se’i iai se taimi. 

Sa ta’ua fo’i e Sopo, o lona aiga e le’i umi tele ona latou nonofo i lenei itu nu’u, o lea o le a atoa le lua tausaga talu ona latou o ese mai i le pito nu’u i le aai ma sa latou mafatia ai i le su’ega o vai aua ua e nofolia latou i lena pito ua maea ona toso uma paipa a aiga ia e nonofo i le mea ua latou iai nei. O Sopo ma lona to’alua fa’atasi ai ma se tasi o atali’i le latou aiga ma o le tina o le aiga, o ia lea o le alagatupe o le aiga aua e faigaluega i le Arco Chemicals.

“E le to’atele ni tagata o lo’u aiga aua o la’u fanau e to’alua ua fai a la’ua aiga.

“O se aiga laitiiti fo’i e faigofie ai a le fa’asoaina o le tupe, a maua la le totogi a si o’u to’alua, ia e fa’atau ai mea e mana’omia pei o se pauga suka, ia o le fa’atauga o le eletise ma isi lava mea.

“E fa’aaoga tatau a la mea uma ae le’o le fa’aaoga o le eletise i mea e le aoga. A iloa a e le tagata sefe, e faigofie mea uma.

“Ia taga’i mai fo’i le fale lea matou te nonofo, e le’o fale tele, o si o matou a lea faleo’o.

“E faigofie ai le soifuaga ae peita’i ole vai a e mana’omia e so’o se tagata.

“A iai a se tane vai, ua lava ma totoe lea mo le sefeina o le vai.

A e fia fesoasoani ia Sopo Vasasou ma lona aiga, fa’amolemole vili i le numera 7222785 po’o le 7746828.

AL
By Aruna Lolani, 25 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?