Leai se vai faigata le soifuaga

FT
By Fetalai Tuilulu’u, 21 April 2017

O Joe Tamaseulagi, 39 tausaga le matua le soifua o se faifa’ato’aga le afioaga o Tapatapaō 

Na afea e le Fofoga o Samoa le tamā ia Joe o lo’o faia lana galuega i lona ma’umaga.

Na fesiligia le tamā ia Joe mo sona finagalo i tulaga o iai le soifuaga o Samoa i le vaitau lenei, ae na ia ta’ua ai, o lo’o sologa lelei lava mea uma i Samoa.

“E ese’ese lava manatu o tagata i lea tulaga. E iai lava i latou o lo’o fa’apea mai o lo’o sologa lelei pea le olaga, ae o lo’o iai foi lava nisi o lo’o fa’apea mai o lo’o faigata le olaga.

“Ae mo a’u lava ia, o le tagata lava ia e mafua ai ona faigata ma faigofie le olaga.

“Afai lava e te paie ma fa’atalatala, e faigata foi le olaga mo oe. Ae afai ete galue malosi o le a sologa lelei foi le olaga mo i latou.

ADVERTISEMENT

“E leai lava se mea e maua ma le filemu i le olaga nei. E tatau lava ona galue ma le punoua’i ina ia manuia aiga. 

“E fa’apena lava mo mea uma lava i le olaga nei. E mo’omia lava lo tatou galulue ae aua le nofoa’i. O le mea sili lava na e tatau ona fai, a le afu lava le muaulu e le maua se mea lelei mo aiga.”

Na ta’ua foi Joe , ua matagofie lava le atina’e o Samoa ua iai i le vaitau lenei.

“Ua manaia lava le atina’e o Samoa i le taimi nei. Ua solosolo lava i luma ma ua tele atina’e lelei mo aiga i Samoa. 

“O suiga lelei e maua ai manuia lautele mo tagata o le atunu’u.

 Sa fa’alia foi e le tama le tulaga o lo’o mafatia ona o le leai se suavai.  E tusa ma le 17 tausaga talu ona matou nonofo I nei e pau lava lea o le fa’afitali ona o le leai se vai. 

Sa talosagaina lava lea ofisa le vai ae e o’o mai lava I le taimi nei e lei maua mai lava se tali. 

Pau lava lea le tulaga o lo’o mana’omia ai sina fesoasoaani ona ua fai sina umi tele e le’o toe maua mai se tali, o lea e talosagaina ai se paipa, aua a le aunoa ma le ai tafe e leai se sauvai e maua.

FT
By Fetalai Tuilulu’u, 21 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?