Ua fai lava sina tele o fa’alavelave fa’aleaiga

AL
By Aruna Lolani, 18 June 2017

Na maua le fa’atalatalanoaga le Fofoga o Samoa ma le tamā ia Aiputa Atia’e o Faleula. Sa ia ta'ua ai e leai se mativa i Samoa ae peitai ua tele ma anoanoa’i le mau fa’alavelave i Aiga. 

“Ua 69 nei o’u tausaga ma ua leva ona ou ola lenei olaga ma ua mausali ai lo’u mafaufau e leai se mativa i Samoa nei,” o lana lea tala. 

“E leai se mativa, pau lava si ona pona ua tele le mau fa’alavelave ua ota leiloa manava." 

“Ia o le vaiaso na te’a nei sa faia ai le fa’apoipoga a le matou aiga. Ae o le vaiaso lava lenei le maliu o lo’o sauni atu ai fo'i." 

“Ae ua ou te’i foi nei le tu mai o lo’u atali’i matua, o le vaiaso fou foi le isi fa’apoipoga." 

“Ou te le faitio aua o le mea e tatau ona fai ae o si ona pona ua tele lava ma ua leiloa ai po'o fea a maua se tupe e fai ai." 

“E pei o le suiga lea o le olaga ua iai nei, o le tele lava o mea fai i aiga ua fai ma pologa." 

ADVERTISEMENT

 Sa fa’asa’o le tamā o le leai se tupe e le tutusa ma le mativa i Samoa. 

“E ese lava le mativa ese le leai se tupe,” o lana lea tala. 

“A leai se tupe ona fa’apea ua iai le mativa." 

“O lo’o iai eleele ma le sami e galue ai aua se meaai ma se tupe fa’asili." 

“O fa’alavelave i aiga e tai tasi pe tai lua foi i le tausaga. A maua lava le tupe ua fai a leai foi se tupe ia malie ua leai se seleni." 

“O aso nei ua faigata lava ona fa’apea atu e leai se tupe i nei mau fa’alavelave." 

“O le uiga o lo’o fa’amatalaga, tiga na leai se tupe e su’e lava le seleni aua foi e faigata lava aiga." 

“Ia pei foi ona iai lenei aso, ua le nofonofo lelei i le tau sailiina o se tupe."

“E mo’i lava o lo’o iai le fanau e faigaluega ia  ae le’o fa’alagolago tele iai ona  lo’o ia foi o latou aiga e tausi." 

“A maua sina tupe lelei a leai foi lelei."

AL
By Aruna Lolani, 18 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?