O LA’U TALA FO’I

02 July 2016

1. Matauina i Tala Fou se ulutala fai mai ua teena e se Sui Peresetene muamua –Alii Faamasino ni tuuaiga-ma o lea la ulutala e faasino i le Sui Peresetene muamua o le Faamasinoga o Fanua ma Suafa- o Anae Misa Pita 11 Anae-lea e sili atu i le sefulu tausaga sa galue ai i lea tofi.

Fai mai la Anae-e ui lava ina toatele tagata e vave tele ona faitioina Alii Faamasino-ona o le faatuai ona faatino a latou faaiuga-ae o ia faatuai-e le mafua mai ona o se faaletonu o le Faamasinoga-ae o le mamalu lava o le atunuu e tuuina atu a latou mataupu i le Faamasinoga.

E ui lava la e tusa ai ma lo’u taofi e i ai taimi e faatalale ai le Faamasinoga-ae o le faafitauli tele lava- o aiga e aafia i ia mataupu! Ia –afai la o le finagalo lea o Anae-sa le tatau la i le Palemia ona faatonuina le faia o sea komisi su’esu’e-ae saili muamua pe o ai tonu lea e mafua ai lea faaletonu!

Ae afai o le talitonuga lea o le Palemia-e i ai faaletonu o Alii Faamasino- e faapefea la ona ia iloa ia tulaga-ae na te le o iloa le anoano o faaletonu o lana ia lava faigamalo? O le a tetele fua i isi -ae faapefea le lalolagi o faaletonu o lana faigamalo lea e faitau miliona ma miliona tupe a le atunuu ua maumau ai-ae leai sana mea o fai i ai?

O lea o le a tauau ina poto e faatonu isi ae le iloa pe musu foi e faatonu ia lava!  O se mea tatau la le pisa fua i faaletonu o isi pe afai e moni-ae faapea ona ia faaletonu? Afai la e leai sona faaletonu-ia -Si’i mai lona lima! O le a sou taofi?

2. Matauina foi i tala fou se fesuiaiga ua faia i le Kapeneta -ma e lua nisi galuega faaopoopo ua tuuina atu i le Minisita o Leoleo-o lona uiga-ua tuuina atu ia Salā le Pulega o le Turisi ma le Ofisa o le Tausi Mavaega-ma o ia matafaioi faaopoopo-ua uma ona faamaonia e le Palemia-ma o ia fo’i matafaioi-sa tauaveina muamua e le Minisita o Pisinisi a le Malo-o Selafi Purcell-ma o le faaliga a le Palemia- ua talafeagai lea fesuiaiga e faamāmā ai le avega a Lautafi.

ADVERTISEMENT

Ia-e pule lava Sitafine i lona vaa e pei o le upu a le atunuu-ae ia manatu la- e ese lava le va’a o Sitafune-ese le vaa o le atunuu! Afai la o ia suiga o le a tulai mai ai ni mea lelei-alo ane loa e faatino aua se manuia o le atunuu lautele! O le a sou taofi?

3. Matauina foi i Tala Fou o lea ua avea le Afioga a Fepulea’i Ropati Atila ma Peresetene o le Faamasinoga o Fanua ma Suafa-o lona uiga la-o le a tuua e Fepuleai lona tofi sa galue ai muamua- o le Failautusi lea o le Fono Aoao Faitulafono.

Afai la o tofiga uma e mai le Atua-e tatau foi la ona faatino e tusa ai ma le finagalo o le Atua! E ui foi ina talavou (tulou) le Peresetene fou-ae talitonu le mafaufau-o le a telē se eseesega o le a faatino e Fepulea’i -e tusa ai ma lana galuega fou-ae o le mea sili-o le a mafai ai ona faagasolo le anoano o faamasinoga ua tausagā o taatitia pea- e leai ni faaiuga ua faia i ai.

Ae avea ia o lenei taimi e molimoli atu ai moomooga alofa mo le Peresetene fou-faatasi ai ma le matou tatalo-ina ia sagai ane ‘ai o le Tai i le faatinoina o ou faiva alofi-lima-ma ia utu pūpū e le Atua le utaga ma le tofā mamao i lou finagalo-ina ia mafai ai ona sisi pea le Fu’a o le manumalo pea- o le faamasinoga ma le amiotonu i lou finagalo mo se viiga o le Atua-o loo faavae ai Samoa! O le a sou taofi? 

4. Matauina foi i Tala Fou fai mai ua toe si’i le Tau o le Penisini mo Iulai-ae o lea foi ua uma ona toe si’i i luga ma tau o isi oloa aemaise ai lava sikaleti. Ia-e ui lava ina faigata mo le lautele o le atunuu lea e soifua tau faasoasoa-ae leaga e leai se penisini e maua i Samoa nei-ae aumai i fafo!

Ae afai ua toe si’i ai foi ma tau o isi oloa tau taumafa-o le fesili la-aisea e le matua si’i ai loa ina ia tau i le Lagi-ona leai loa lea o nisi e faatauina-ae faasaga le atunuu e fai lafumoa ma le lafu pua’a-ma toe fo’i e fagogota!

O le fesili la-afai ua toe sii ai ma le tau o taumafa-a faapea la le VAGST lea ua leva ona pologa ai le atunuu? A tuu pea e o faatasi na mea uma? Ua matua le iloa lava e le atunuu poo fea o le a sulu i ai mo se lavea’i! E a le faaaoga o tupe a le atunuu e ala i faiga pi’opi’o ma taupulepulega leaga-ae toe faae’e mai ma lenei amo!

O le a le pogai e saga fai ai nei mea valea? E le mafai ona talitonu le faigamalo –ua matitiva le atunuu-leaga o lea e fau sasaga o latou manuia-e ala i le faaaoga o tupe ma meatotino a le atunuu e fai ai soo se mea e loto i ai! Silasila i sitiseni o tagata Samoa ia o le a faatau atu i tagata mai fafo e o mai i Samoa nei e teu faafaigaluega a latou tupe iinei-ona agavaa ai lea latou te faatauina fanua ma eleele o le atunu!

O atagia mai la i nei faiga uma se alofa i le atunuu? Ae o le a le fe’au a le faigamalo na te faatauina atu ai sitiseni Samoa o le tofi e faapito i tagata Samoa?  O le a sou taofi?

02 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?