O LA’U TALA FO’I

08 February 2016

1.  Matauina i Tala Fou le faatautoina o ni Faipule se to’alua o le HRPP-ia ua tofia e avea ma Sui o le Fono a Sui Tofia! Ua matauina ai foi le uiga ese o le faala’ei’au a le Palemia i ia tamalii! Fai mai la le Palemia- ia ‘aua le fiu-gofie; a aliali mai e umi le ala-e sa ala pupu’u.

A pa’u’ū-ia vave ona toe tutū i luga. A pouliuli ma pogisa le po-aua le fiu o la e silasila mai le Atua-ma e na o ia na te faamasino…! Ua aliali mai la-ua matua numi atoa le lalolagi! O le uiga o le faamatalaga-“e fai e ia le tofiga o ia faipule- ae faamasino ai fua le Atua?

O le faafitauli la o lenei mataupu-e sao loa le mea ua toe fai-o lona uiga mo le lumana’i-  le Ao o le Malo, Fono a Sui Tofia-ma suafa o Tamaaiga-o le a pulea uma lava e le HRPP. O le fesili la- afai ua faaaoga e le Palemia ma lana faiga-malo le leai o se aiaiga maoti o i totonu o le Faavae e uiga i e tatau ona tofia i le Fono a Sui Tofia- o lona uiga la-ua latou faaaoga sese le avanoa na tuu e le Fono Faavae mo Tuimalealiifano!

ADVERTISEMENT

Afai la e le o ta’ua ma’oti ai le suafa o le Tamaaiga-e le o se faatamala o le Fono Faavae-ae ia aiaia se tofiga mo le Tamaaiga o loo toetoe e ese ai mai ia Tupua Tamasese ma Malietoa Tanumafili ia na avea ma Ao Soofaatas-ma Fiame Mataafa Faumuina Mulinuu II lea na tofia e avea ma Palemia. Ia afai la e le o mafai lava ona liuliua le fiapule o le Palemia i mea e gata i Aiga o Tama-ia manatua la o ia lea na taulamua-lea ua tofia ai ia tamalii i le Tofi e faapitoa mo Tamaaiga! O lea ata lea ua manino mai-e o’o foi I le tofi o le Ao o le Malo-ua oia foi! O le a sou taofi? 

2.  Matauina pea i Tala Fou le fai mai o le Faatonu Sili Aoao o  le Soifua Maloloina i le atunuu –e leai se mea e popole ai i lenei anoano o faama’i o loo afaina ai isi atunuu. O le fesili la-afai la o le taimi nei lea e faasino i ai ia faaupuga- e faapefea la pe a faafuase’i ona pipisi i totonu o le atunuu? Ua i ai ni togafitiga ua tapena faatasi ai ma le lava o foma’i e gafa ma lea faafitauli? O le upu moni- e le avanea faaupuga malie e fo’ia ai faafitauli ia -pe a taunuu mai i le atunuu! O lona uiga la- e la manaomia le tele o tala ma faaupuga-ae taua le gaoioiga ma le gafatia e le gaoioiga ona faatino upu ia e talau mai so’o!  Afai la o lea ua taunuu i Toga le Zika- e faapefea la ona fai mai e ‘aua le popole? O le a sou taofi? 

3.  O lea foi ua faaalia i Tala Fou e faapea e luasefulu-lima gasegase ia ua masalomia ua maua i le Zika i totonu o Pago Pago. Afai la ua o’o mai lea faama’i i Tutuila-o lona uiga- o lea ua latalata mai i Aleipata! O a la ni puipuiga a le Soifua Malolona ua fuafuaina mo Aleipata pe afai o lea ua i Tutuila lea faama’i! Afai la o lea faama’i e feavea’i e namu-o lona uiga- e le tau aumaia i se vaalele-e mafai lava ona felelei mai namu i Upolu nei ae le o iloa e le Faatonu Sili Aoao o le Falemai! Afai la fai mai le upu e leotele le galuega i lo upu-O le a la sou taofi? 

Aisea ua fai ai ma vaisu a le Palemia ma lana faiga-malo ona fai lea mea ma lea mea ae ta’u ai fua le Atua! A tuu la i faiga pi’opi’o a lana faiga-malo lea e faitau miliona ma miliona tupe a le atunuu na liu suavai ai, o se mea lea mai le Atua.

O le mea lea ua aliali mai ua avea le fiapule aoao o le Palemia ma lana faigamalo ma pogai o soo se mea lava e fai-pe pi’o pe sa’o e ta’u ai lava le Atua Afai la o le Atua lea o loo faavae ai Samoa-o lona uga la-e le o ni mea la na fai e le Atua-ia ua outou nonofo ma tasui ona o le losilosi i mea e gata i Tama –a-Aiga! Afai la o le faamoemoe o le HRPP ia ona ‘u’u le ulu-‘u’u le ogamanava toe ‘u’u vae-o le a ‘u’u la e le atunuu le a? O le a sou taofi?

08 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?