Manatu o le Fa’atonu - Na o le faamoemoe lava e mafai ona matou tausisia

Matou te iloa e moni lenei tulaga e uiga ia Samoa. Ma le tele foi o isi lava nofoaga poo atunuu. O le tulaga faamanuiaina tau Taaloga o se tasi lea o mea e fusi faatasi ai i tatou. Na te una’ia tagata, na te una’ia i latou ia faagalo mea faigata o le olaga ma aumai faatasi i latou e sami, fiafia faatasi ma fefaasoaa’i i nisi taimi “pe afai lava e talafegai ai.’

I Samoa nei, ua tatou vaaia lea tulaga i lea taimi ma lea taimi faatasi ai ma le faamanuiaina o tama taalo ma tama’ita’i i le tele o tausaga.

.E tusa ai la ma lea itu-e ui lava ina tele ‘pe ana faapea’ e mafaufau i ai, o loo i ai lava ni tulaga lelei e mafai ai ona faaapga mai taumafaiga a le tatou ‘au Ta’ito’afitu i Singapore i le faaiuga o le vaiaso talu ai.

O loo i ‘ana faapea o le to’ilalo i le minute mulimuli ia Argentina i taaloga mulimuli o le Ipu –semanu e mafai ona faatulagaina ai i se tulaga lelei mo se taaloga ma Kenya i le taaloga o le fusi ma maua ai so tatou avanoa muamua i le siamupini o le Lalolagi.  Ae paga lea-ua le o le tulaga lea. Na tatou vaaia Kenya ua faasolo atu e faato’ilalo Argentin i le latou taaloga mulimuli le sailiga o le fusi  ma i le taaloga mulimuli na latou faamauina ai se manumalo uiga ese ia Fiti mo le latou siamupini muamua lava lea o le Lakapi Ta’ito’afitu a le Lalolagi.

O se taimi uiga ese lea mo Kenya. O le mea moni o se matati’a uiga ese lea o le a faamanatuina i totonu o lea atunuu mo se taimi o i luma. Ae peitai-aisea e le faatinoina ai? O ai a le fiafia pe a una’ia o ia e lea lagona o le manumalo? 

A pa’ia loa Kenya, o se taimi lea ua loa ona tatali. O le mea moni-ua leva ona latou latalata i lea tulaga i le tele o taimi, ae i Singapore i le faaiuga o le vaiaso talu ai, sa le mafai ona teena i latou, e se ‘au ua lona ona lauiloa i totonu o lea tauvaga. 

Malo lava le finau Kenya! I le taimi nei, a tatou toe fo’i i le Manu Samoa Ta’ito’afitu, e faapefea pe ana latou manumalo ia Argentina? O ai na te iloa? Ia manatua foi-na tatou matua sasaina Fiti  i le aso i luma atu ma o tatou faamaumauga e o’o mai i lenei taimi ua matua mautu lava i le faafeagai ai ma tagata Fiti. Semanu o se mea lelei lo tatou faamanatuina o lea tulaga i luga o ala tetele o Apia i lenei vaiaso.

Ia manatua foi-ua fai sina leva o le taimi i le va o mea inu pe a pa’ia le tulaga faamanuiaina i totonu o le faiga otooto tau lakapi. Ma e ui lava ina maulalo  faamoemoega ina ia tula’i mai lena tulaga-ae e i ai lava taimi e faailoa mai ai e lenei ‘au faailoilo e faapea latou te mafai ona faato’ilaloina soo se ‘au o le lalolagi. Ma ua ia i latou le mafai. 

ADVERTISEMENT

Silasila i le mea na tupu i le faaiuga o le vaiaso talu ai.. Sa tatou taaalo ma Fiti i se tulaga uiga ese ma matua sasa i latou. Sa tatou tauivi i le faagasologa o nai a tatou taaloga na soso’o ai lea na tatou taunuu ai ina faafeagai ma le ‘au a Niu Sila e tumu e tumu i fetu i le taaloga faai’u. Ia o le toatele o outou ua silafia le taunuuga o lea taaloga i le taimi nei.

O se sikoa mai se pasiga na faa-salavei e se tama’i uaea ola laititi o Tila Mealoi –na maua ai lo tatou manumalo uiga ese ma ia tatou paaga kiwi ma le ipu mafolafola. Ua matou fai atu ae paga lea ona e sili ia i matou le manumalo i le Ipu. E tatau ona avea lena ma o tatou faamoemoega mulimuli. Ae peitai- e pei ona matou mua’i faaalia-e tatau ona tatou mautinoa ma faafetaia nai laasaga laiti ma ni tulaga faaleleia itiiti. O le faatinoina o taaloga i Singapore o se tulaga faaleleia lea e matua tele ina ua uma ona pomu ese i latou mai Hong Kong.

Ua outou silasila la, o le tala o le ‘au-ta’ito’afitu a le atunuu e faapenei ona faapuupuu. Tatou te o atu mai le matua vevela i le matua malulu uiga ese ma faaletonu ai i nisi tulaga. E pei o se yo-yo, o le tulaga o le ‘au sa le matua atoatoa lona tulaga lelei.  

Ma  o le a avea lena ma lu’itau mo le faia’oga o Damien McGrath ma ana tama taalo. E tusa ai ma le latou galuega lelei, o le vaega toatele o nei tama taalo e fou ma o lea faatoa ta’a’alo faatasi mo se tausaga. Ina ia mafai lava ona maua nisi o manumalo tetele ua tatou vaaia, o lena tulaga ua ta’u mai ai ia i tatou e matua anoano le tulaga lelei o loo i ai. Pau o le mea e tatau ona latou faia i le taimi nei o le faatulaga lelei lea o le matauu tau itumalo ma ia mautinoa o loo i le nofoaga sa’o o latou ulu i taimi uma. O nisi taimi e te mafaufau pe o a mea o loo latou mafaufau i ai faatasi ai ma nisi o mea valea latou te faia i luga o le malae.

I le vaiaso talu ai, na tatou vaaia ai nisi o vaaiga lelei tau osofaiga ma le pu’e ma o se mea uiga ese lea i le matamata. O le itu sa sili atu ona uiga ese o le tulaga tau le noatia i le taaloga lea na latou faaalia i taimi e taofia ai le taaloga-aemaise ai lava o le faatau-maso ma Niu Sila i lea vaega o le taaloga. O se tulaga fiafia lea i le vaai. O le itu faatupu malosi e uiga i lea faatinoga o le taaloga e faapea ua aumai ai ia i tatou se lagona o le faamoemoe. Matou te le o fai atu e faapea ua latou ‘ausia. Leai-matou te le o fai atu faapena.

Ae peitai-ua na o se amataga ma o se mea lea e faavae ai a latou taumafaiga. Ua matou iloa e faapea  o se ‘au a ni tagata talavou ma e le o ia i latou le poto masani o nisi o a tatou ‘au sa faamanuiaina i aso ua te’a. 

Ae peitai- e leai se afaina o lena tulaga.

O le itu taua e faapea ua latou toe faia se isi laasaga uiga ese i luma, e faa-talitonu ai le lalolagi ma i latou lava-atonu  e leai se mea o maumau. 

E leai se masalo o le latou taaloga i le faaiuga o le vaiaso talu ai e le gata ina uiga ese mo i latou e lagolagoina ma e fiafia e matamata i totonu o Samoa ma le lalolagi atoa, e matua anoano le tulaga lelei latou te maua ai e tusa ai ma le faagasologa i luma.

E tumau pea lo matou faamoemoe.

Ia outou maua Samoa se vaiaso uiga ese, ma ia faamanuia atu le Atua!

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?