Fa’atama’ia le Faleoloa Si’iatoa a Amau i le mu

DF
By Deidre Fanene, 26 July 2016

O le aso ananafi na fa’atama’ia atoa ai e le mu le Faleoloa Si’iatoa o le Kamupani a Amau i Apia.

E lei mafai ona tu’uina mai se tala maumaututu mai le Fuimu ma Leoleo i le mafuaaga tonu o le mu i le Kamupani o Amau i le aso ananafi.

Ae na fa’ailoa mai e se tasi o sui sinia o le kamupani o lo’o ave la latou fa’amuamua i le saogalemu o tagata.

“E fai lava sina faigata o le tulaga e pei ona ua tula’i mai i le taimi lenei ma o le fa’amuamua lava le ola ma le soifua o tagata,” o lana tala mai lea.

ADVERTISEMENT

“E leai se isi fa’amtalaga e mafai ona o matou tu’uina atu i le taimi lenei.

E tusa ai ma le taunu’u atu o Tala Fou , na iloa ai le vave o le sosolo o le mu i le fale ma e mautinoa o le tele o oloa sa i totonu ua leai se mea e tasi o mafai ona sao.

O se tasi o ali’i fuimu na ia ta’ua o lo’o ave  fo’i le silasila i nisi o fale o lo’o soso’o ma le Kamupani e pei ona i ai le Faleaiga o le Sunrise ma le Lotu o le Harvest Centre.

“O lo’o galulue lava i le taimi lenei mo le saogalemu ma e leai se isi tala e mafai ona toe tu’uina atu i le taimi lenei.

O se tasi o sui faigaluega na ia ta’ua o lo’o i ai masalosaloga na amata mai le mu i le pito i tua i le vaega o lo’o i ai aano o manufasi.

“O lo’o masalomia se tasi o pusaaisa na mafua ai ona mu, e tusa ma le lima pusaaisa o lo’o i tua masalo o se tasi o ia pusaaisa na ova le vevela na mafua ai loa.

Na tapunia le tele o pisinisi na tu lalata ane i lea vaega i le afiafi ananafi.

DF
By Deidre Fanene, 26 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?