Lalagaina o fala ma ietoga-Gafa o le tamaitai Samoa

SS
By Seia Soloi, 21 March 2017

O le tofi lava ia o le tamaitai Samoa, o le lalagaina lea o le ietoga po o le fala Samoa.

O gafatausi lava ia o soo se tamaitai talu mai anamua, ae peitai o aso nei ua vaaia ma le faanoanoa le le toe faaolaolaina ua augatata le toatele o tina ma tamaitai.

O le mau le a ale tina ia Nefu Mafit, 60 tausaga mai le afioaga o Siufaga, Falelatai ua ia vaaia ma le faanoanoa ua tau au ina mou atu le gafataulima tausi ia e pei ona faalupe ai tamaitai, o latou o pae ma le auli a aiga, ae ua faapalapala.

“A faapea ua le maua e soo se tina se galuega aua le tausiga o aiga ma fanau, e tatau lava ona toaga e lalaga ma ta laufala aua o le tofi lava lea o soo se tamaitai Samoa ia o ia n ate faia galuega aua le faaleleia o soo se itu i totonu o aiga aemaise pe tali ni malo” o lana tala lea i le Fofoga o Samoa

I le maitau lava ia a le tina ia Nefu, toatele tina ua le toe lalaga i lenei vaitau ae ua faamoemoe lava e faatau fala ma ietoga pe a tutupu mai faalavelave i totonu o aiga.

“O le faalupega lea o le tamaitai samao, o ia o le tausi mea a lona aiga aoo ina malotia le aiga e tapa atu if ala aemaise o mea e faaaoga i totonu o aiga pe a tali malo. Ua tele ina faamoemoe e faatau fala ma ua tele ai tupe alu ae le faaaoga le malosi e lalaga ai fala aua mea fai a le aiga.

ADVERTISEMENT

O le manatau maualuga o le tina ina ia faamalosia lea tulaga i totonu o so’o se afioaga aemaise lava tamaitai ua le toe ao’oga ma le maua ni galuega.

‘E aoaoina ai lava fanau teine i le lalagaina o le fala aua e faatau e maua ai foi le tupe ma leisi mea o le tausiga lava o ia ma lona aiga mo le lumanai aua a uma atu tina matutua ae o lo’o fotua’i mai latou e faaauauina le taleni

O le tina ia Nefu o lana lea galuega i aso uma o le lalagaina o fala mo lona aiga aemaise o le Faamati i lenei masina.

“E le gata na’o  faamoemoe e pei o Faamati ae e aoga foi e lalaga ma teu aua malo fegasoloa’i i totonu o aiga ma le tausiga o le aiga, aua e le uma ai mea fai.

Na ia tau’a foi ua maitauina le toatele o tina ua le toe lalaga i lenei vaitau pe a fua atu i aso ua mavae

“O le malosi lava o le paie o faiga telefoni ma isi tulaga ae ua leai a mafaufau i mea e fai aua le atina’eina o le aiga ia mo le lumanai aua e le’o se mea fou ia mea ua leva ona tuu mai e o tatou matua ua mavae tiute ma e tatau foi ona faaauauina e tatou.

Pau le fautuaga a le tina ia Nefu, ina ia faamalosia le toe lalagaina o ia measina a le atunuu e oo foi i ietoga ma fala.

“Ua tatau ona faamalosia, aua o mea ia sa sau ai lava tina matutua i aso ua mavae ma e ese le aoga e aoaoina ai foi a tatou fanau teine aua o leisi lea gafa taulima a le tamaitai Samoa, o le lalagaina o le ietoga ma fala.

SS
By Seia Soloi, 21 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?