Vevela pea finauga i Faleata Sisifo

29 February 2016

Ua fa’ailoa mai e le afioga a Ale Vena Ale o ia o se tasi o sui tuai o le Palemene, e fa’apea e le’i i ai se feiloaga a le faipule a Lealaipule Rimoni Aiafi ma le itumalo i le suia ai lea o le vaega e sau ai.

O lo’o fa’asino tonu lana saunoga i le finagalo a Leala lea na ia fa’ailoa ai o le ala o le suia ai o le itu e aga’i i ai mo le faigapalota o lo’o loma nei ona o se finagalo mai lona itumalo.

 “E le’i i ai ma se fonotaga ua fa’atinoina e talanoaina ai vaega e pei o lo’o ua ia saunoa mai ai.

“O lana lava ia faitalia ma lona finagalo  ua mafua ai lea tulaga.

ADVERTISEMENT

Sa ia ta’ua o se tasi o ia vaega ua alia’e mai e ono atagia mai ai tuaoi mo Faleata aemaise ai o nofoa tu taulaga.

 “E tele se tulaga na atagia mai i le mana’o o Leala ina ia mafai ai lea ona tu’utu’u atu i tua tuaoi o nofoa tu taulaga ina ia mafai ona tamo’e mai ai nofoa tu taulaga ae tu’u mai Faleata e matou te tauva atu ai.

“E le’i mafai e Leala ona savali i folafolaga sa ia tu’uina mai.

Ina ua fesiligia Leala, sa ia ta’ua o ana komiti mai afioaga taitasi ma a latou fautuaga mai totonu o latou afioga na mafua ai le suia o le vaega e tamo’e mai ai.

 “O a’u ia o lea la latou finagalo, ma o se mea le manaia tele le faia o le finagalo o e lagolagoina a’u.

“O lo’o i ai au komiti ma nisi o faifeau o lo’o o latou lagolagoina lea suiga.” o Leala lea.

Sa ia saunoa fo’i sa i a te ia lava le agaga e feiloai  atu i Toamua ae ona o lona fa’aaloalo fo’i i nisi o sui o le mafua’aga lava lea na ia toe nofo ai.

29 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?