Fa’atasia le silia ma le selau tupulaga talavou i se Tolauapiga

27 March 2016

E    tolu aso na fa’ataunu’uina ai le Togalauapiga a  Tupulaga Talavou a le Worship Center i le Malae a le Kolisi o Faleata.

Na amata mai i le Aso Tofi se’ia pa’ia le aso ananafi ma e silia ma le fa selau i latou na mafai ona auai i lea fa’amoemoe.

O le autu o lenei Togalauapiaga ‘ O le olioli tumau i le Mana o le Satauro’. 

Na saunoa le Susuga ia Ps, Siagigi Vaafusuaga lea o lo’o fai ma Ta’ita’i o lenei fa’amoemoe e fa’apea o lea le fa’amoemoe tele  o le Ekalesia o le atina’e o Tupulaga Talavou e ala i a Iesu Keriso.

“E na’o o le pau lava lea o le tali mo tupulaga aemaise o tagata uma o Iesu lava, po o le a fo’i le taumafai  i nisi o metotia mo olaga o fanau ae a le fa’avaea i le Atua ia ailoga o le a se tali mai,

ADVERTISEMENT

“O lenei fa’amoemoe na amata mai i le 2004 ma o le fa’amoemoe tele lava o le fa’alautele atu lea o le feau – O Iesu lava le tali.

“O le a lava le tele o le mau fa’afitauli o lo’o i le Satauro lava le tali o mea uma e ala i a Iesu Keriso.

“E pei lava ona fai mai Paulo,.,….tau lava o le satauro e mitamita ai.

O lenei tausaga, na saunoa Ps, Va’afusaga ua si’itia i latou o lo’o ua mafai ona auai atu nei ma o se agaga fa’afetai lea i le Atua ona o lona alofa ma lona agalelei.

“Leai lava se mea e mafai pe ana le aunoa le fesoasoani mai o le mana o le Agaga Paia o le Ali’i,

“Fiafia lava e tilotilo atu e le gata o tupulaga o lo matou Ekalesia nei ae silia ma le toaselau e na mafai ona asiasi mai i la matou tolauapiga i lenei tausaga.

“O lo’o i ai le fa’amoemoe e fa’ataunu’uina pea lenei fa’amoemoe i le agai atu ai i le lumana’i e ala i le fa’atasi mai pea o le Atua.

O le Susuga i le Aposetolo i a Viliamu Mafoe na ta’ita’i i le atoaga o le sauniga atoa.

27 March 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?