Tofi lava o le Tautua Aiga

FT
By Fetalai Tuiluluu, 21 February 2017

O le maua ai o le fa’atalatalanoaga a le Fofoga o Sanmoa ma le ali’i talavou ia Gary Peres na ia fa’ailoa ai o a tofia oe e faia se galuega o lou lava lea galuega fai I aso uma.

E ui ina eseese lava tagata ma lona faasinomaga ae tasi lava le tulaga o lo’o aga’i uma ia o le fatu aiga tausi lava.

“Ia o lo’u lava ia va’ai iai le olaga e uma lelei ona faavasega le tagata ma lana e fai. 

“O le uiga o la’u tala e ola lava le tagata ua iloa lona taunu’uga ma la’asaga uma o le olaga. O lona lea manatu.

I le olaga o Gary sa ia mafai ona fa’asoa mai i le Fofoga o Samoa lona lava matafaioi o le fatu aiga tausi lea.

ADVERTISEMENT

“Na ou tuua le aoga ae fa’asaga e fai le fatu aiga tausi e ala i le maumaga aua pau lea o le alagatupe o lo’o fa’amoemoe ai si o’u aiga.

“Peitai sa maua se tasi o fa’amanutaga e talai ai le talalelei le Alii ma tu’ua ai aiga mo atunu’u i fafo.

“Sa lilo i manatu e toe maua mai lo’u tagata tuai peitai ua tou tagatagaa’i mai ua toe foi mai lava i le fai maumaga.

“Ma  ou te le faitio pe augata e fai aua o ia vega uma o auala e maua ai fa’amanuiaga, ma o se tasi foi o lu’i tau i lo’u nei tagata. 

Sa taua foi e Gary o mea fai le aiga, o mea fa’alelotu e fa’amoemoe uma lava i le tupe maua mai i le fa’ataugameamata. O se galuega na ola mai lava o a’oa’o  mai ai i lona tama ma ua avea foi ma a’oa’oga i lona tupulaga talavou.

“E ui lava tele o taimi e augata ai ma fa’avaivai ae peitai e lagona lava e malosi o le tino ma le manatu fina’u aua ua tatou iloa lelei e le faigoife le ola galue ma le fatu aiga tausi. 

“I le taimi nei ua fa’amae’a mai ai se tasi o galuega ae o lo’o iai lava ma fa’amautuina le olaga galuega i le tausiga o aiga.

Sa mafai foi e Gary ona faasoa mai se a’oa’oga taua e tusa ai ma lana galuega sa iai o le ola tutoatasi ma le ava i matua ae le gata i lea o le ola lava ma mauitnoa o lou lava ala manuia ma lou fa’asinomaga.

FT
By Fetalai Tuiluluu, 21 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?