Mana’omia se fesoasoani

IT
By Ioana Tupa'i, 22 December 2017

O le lēai o le suavai o se faafitauli pito sili lava ona faigata  o loo feagai ma Lagi Manuia ma lona aiga o Fesola’i Sootaga  Manuia mai le afio’aga o Faleasiu.

Na maua atu e le Fofoga o Samoa o loo i le fale lea tinā i le taeao ananafi.

Na ta’ua e le tinā i a Lagi, faatoa agai atu ma nofoia lea vaega o le fanaua o le aiga. O le faamoemoe autu lava ia, atinae le aiga aua se lumanai manuia.

“O le faleo’o o loo ma nonofo ai i le taimi nei ua pau lava o se mea ua mafai ona oo iai le malosi e fausiaina e tau na malu ai i lenei taimi. 

“Ae a tetele  timuga ma tulaga faaletonu le tau o se tasi foi lena o popolega”.

“Ae o le suavai ia o lo’o va’ava’ai atu lava i le isi aiga o loo luma atu o maua e faatumu  ai le ma kalone vai ae e totogi le $10. 

ADVERTISEMENT

“O au lava ia e lagona lava le faafetai ona o lenei vaitau ua le toe maua se mea ma se taugofie ona ua taugata le soifuaga. 

“Ae o lea o loo alolofa mai lea aiga”.

“E $20 tala lava le seleni e faaaluina ina ia maua mai pea le suavai mo le gasesega o taumafa faapea foi le faia ai o tagamea”.

“Ae faafetai o lea ua timu ia ua maua ai le suavai ma o se itu foi ua faasaoina ai le isi vaega o le totogi o le tama o le aiga mai le totogiina o le suavai”.

“O loo faatino foi faatoaga laauaina i le taimi nei e ui lava o loo tele se seleni o loo maua mai ai ae o loo fesoasoani foi I le tausiga o le aiga”.

Na ia fa’ailoa le faiagata ua i ai nei aso.

“Ia e pei o lea lava le tulaga o lo’o ua i ai nei, o se itu mautinoa ma le leiloa o le mea o lo’o aga’i atu ai le isi tausaga o lumana’i ona o le taugata ole tau o le soifuaga.

“E pei o lea lava le tulaga o lo’o ua fa’amamafa i le taimi lenei aemaise le aga’i atu ai le lumana’i.

IT
By Ioana Tupa'i, 22 December 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?