TALATUU O LE ITU O LEASINA

19 March 2016

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer. 


O le Itu o Leasina e aofia ai ni nuu se lua o Asu ma Aoloau i luga o le faga i matu sisifo ma e masani ona faaigoa o Leasina, e ui lava ina ta’u e tagata na o Aoloau- ma o iina e afio ai le alii malosi o Fuimaono. 

O loo taua Fagasa -e lagolago ai le mea moni e faapea o le matafaga o Asu lea e i le itu i sisifo o le faga- na fasia ai le ‘auva’a o le Alii Folau ta’uta’ua o De La Perouse. 

O e na maliliu i lea fasi tele o le alii sa faafoeina malaga a le vaa o “Astrolobe” o de Langle ma le foma’i o le vaa o Lamanon i le 1787. O loo i ai pea se Ma’a Faamanatu o loo tusia ai suafa o e na maliliu ai. 

Ae ui o lea- e le o tagata o Asu na fasiotia lea ‘auvaa- ae o tagata o Falelatai mai Upolu na asiasi mai i Asu i lea taimi. O loo faamanino lelei e Misi Sitea le tala atoa o le mea moni na tupu i totonu o ana tusitusiga. Na faasaga tagata o Asu -tanu aloa’ia ia tagata na maliliu, ona o le manatu e faapea o ia tagata papa’e o ni ‘aitu’. 

ADVERTISEMENT

O le igoa la o lea matafaga na tupu ai lea faalavelave o Lenau. O le Aoao Tetele la o Satoa ma Leasina e faapea: “Tulouna lau Susuga Lualemana ma lou Itu Satoa; Tulouna lau Tofa Lea’e; Tulouna lau Susuga Masitalo; Tulouna Oe Leasina; Tulouna lau Susuga Fuimaono; Tulouna Ou Tei Gatā ma Taiasina; Tulouna lau Tofa Falaoa ma Moananu.

ASU ( AASU) Faaopoopo i ai  ma le nuu-a-uta o Fagafue. O ona upu ta’oto e faapea:-“Tulouna Oe Satoa; Tulouna lau Afioga Lualemana; Susu mai lau Susuga Masitalo ma lau Susuga Falefata; Susu mai Tia; Mamalu mai lau Fetalaiga Tuimafuiva; Tulouna lau Tofa Lea’e. 

AOLOAU: O ona Upu Taoto e faapea:-“Tulouna Oe Leasina; Tulouna lau Afioga Fuimaono; Tulouna Tei o Gatā ma Taiasina; Tulouna lau Fetalaiga Afalava; Tulouna lau Tofa Moananu; Mamalu mai la’ia lau Tofa Tuilesū.

 

O LE TALA I LE 

ALAFALE I MALO TUMAU

O Sa’ilele o le nuu lea na sunu’i i ai  le alafale o Nafanua ma Tilafaiga ma Taema; e to’alua na leleo ai o Mini ma Vaisa’u. O le Alafale foi lena sa utu vai i ai Lufilufi; e i ai foi le Pou o Safotulafai; sa i ai foi Tuiatua Aitu (le Saualii) na usu ia Lelaumau le afafine o Tuimanu’a i Tula ona maua ai lea o Le’iatolealiiilemauga. Ona tuu ai lea o le vai o Vaisola; o le Vai o Tilafaiga ma Taema; o le Vai na tu’u; ma ua tutu’i i le Alafale.

A alu se tasi i le taeao i lea Vai- e puna ma lepa foi ma sua tele, ae a e toe alu atu i le aoauli-ua leai se vai- ae a e toe alu i ai i le afiafi-ona maua foi lea o le suavai ma ua sua tele. O loo faapena lava uiga o le vai e o’o mai i aso nei. O le pogai lea o le igoa o le Vai o Vaisola-o le isi ona igoa o Vaiavea, aua o le Vai o Tilafaiga ma Taema

19 March 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?