Galulue fa’atasi ia manuia aiga

VM
By Vatapuia Maiava, 17 November 2016

O le fa’amoemoega o le tinā  i a Faitasiga Oli o Nu’u, ia manuia le fanau e ui i le tele o vaega o lo’o taumafai  i ai mo lenei tausaga aemaise o aso fai so’o mo le tausia ai o le aiga.

O le afea ai e le Fofoga o Samoa o le aiga o le tinā i Nu’u na va’aia ai o lo’o i ai lava la latou maketi i lumāfale o lo’o fa’atauina ai fala pula ma ‘aufai ma nisi o fuala’au ‘aina.

Na fa’ailoa le talitonuga o le tinā, o le galulue fa’atasi , o le a faigofie ai so’o se taumafaiga i totonu o aiga, afio’aga, ekalesia ma le atunu’u.

 “Ia o le taimi lenei o lo’o faigaluega lo’u to’alua ae o nisi o le fanau o lo’o i le aoga.

 “Ia e pei o lea lava le tulaga faiagata i le tele o taimi ia o le le lava ai o le fa’asoa ona ua o tatou molimauina le taugata o le soifuaga i lenei fo’i vaitau.

 “Ia o le tele lava o taimi ia e agalelei mai lava le Atua i le tau fa’asoasoaina o le tele o vaega , ia e le gata la ona ou nofo le fale ae to to fo’i nai vaega nei e la’u atu i luma o le fale aua se tupe maua o le aiga.

ADVERTISEMENT

 “O lo’u ia iloa i ai , e taua tele le galulue fa’atasi o le aiga.

 “E mana’omia le galulue i taimi uma mo vaega uma nei aua lava le lelei o aiga, aua a  galulue fa’atasi lava le tamā ma le tinā o le lelei fo’i loa o so’o se vaega.

 “Ia o le isi tulaga e fesoasoani tele ai lava ia o le totoggina o pili i masina uma.

“E to’atolu le fanau ae pei o lea lava le fa’amoemoega o lo’o ave ai i le taimi lenei o a latou aoga.

“A lava le  fa’alifu ma le ti, ae a o lava le fanau i le aoga o le itu pito sili lea ona lelei.

“O vaega e pei ona outou maitauina, ia e mo le lelei o le aiga aemaise lava fanau ina ia aua ne’i ola fa’alagolago i le lumana’i.

“O lo’u ia talitonuga a lelei a latou a’oa’oga,  o le a fa’amanuiaina  fo’i la latou taumafai.

“Ia o le lu’i lava o lo’o ave ai i taimi uma, a le manana’o e pologa, ia fai fa’alelei le aoga.

VM
By Vatapuia Maiava, 17 November 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?