Lafo le faletuai o le S.L.C. mo le Falema’i o le Kanesa

LT
By Lanuola Tusani Tupufia, 18 July 2016

Ua fa’amaonia e le Kapeneta le tofia o se komiti fa’apitoa e tapenaina se maliega mo le nofoaga tuai o le Fa’alapotopotoga mo ‘Ele’ele o Samoa, le ua tia’ina nei i  Tuana’imato, ma o le a avea ma falema’i a le vaega mo Fa’amoemoega o le Gasegase o le Kanesa.

Na fa’amaonia mai lea tulaga e le Minisita mo Matagaluega Fa’apisinisi a le Malo, le Afioga a Lautafi Selafi Purcell i le Aso Tofi talu ai. 

I le talanoaga ma le Samoa Observer, na ta’ua ai e Lautafi, o lea maliega, o le a fa’ama’oti ai tulaga o le lisiina o lea fale.

 “O fa’amatalaga uma o le lisi, o le a iai i totonu o lea maliega,” o lana fa’aaliga lea. 

“O le vaega lea – le Hope 4 Cancer), o lo’o naunau e o’o mai peita’i, ae le’i taunu’u mai, e tatau lava tapena lelei le maliega lea ma ‘ia sainia lelei.”

O fuafuaga sa iai a le malo mo le avea o le fale lea – e 4.5 miliona tala na faia ai, e fai ma faletalimalo, na matua tele le mau fa’afitauli na aliali mai ai i fuafuaga sa ulua’i faia, ma toe fa’ata’atia-‘ese mai ai loa.

Ae na toe fa’aosofia le agaga fiafia i le amata o le tausaga nei, ina ua asiasi mai i Samoa nei, nisi o sui o le falema’i lea, le Hope 4 Cancer mai Mexico.

ADVERTISEMENT

Na fono le Fa’atonu o le Hope 4 Cancer o Dr. Antonia Jimenez ma le Minisita o le Soifua Maloloina ma isi ofisa o le soifua maloloina, e uiga i fuafua ia na faia ia Iuni o le tausaga nei lava.   

Na fa’amaonia ai fo’i e le Fa’atonu, o le latou fuafuaga, o le faia lea o se nofoaga e tosina mai ai tagata-asiasi e iai mana’oga fa’apitoa fa’apea tau-Soifua Maloloina. 

Na fesiligia fo’i le Minisita o Lautafi, pe ua fai se galuega a le malo e siakia lelei tagata nei mai fafo, ae tali le Minisita, o le tagata tonu mo le mata’upu lea, o le Afioga lava a le Ali’i Palemia, o Tuila’epa Sa’ilele Malielegaoi mai Lepa.

Peita’i sa ia fa’ailoa lava, e le fou ia ituaiga o fuafuaga mo le aga’i i luma. 

“E manana’o e malaga mai i Samoa ona e ogatotonu lelei o Niu Sila ma ‘Ausetalia,” o le saunoaga lea a le Minisita. 

E iai falema’i fa’apea i Mexico ma o nisi o gasegase o tagata Mexico lava.”

Na saunoa Lautafi, o lea poloketi o le a matala ai fo’i nisi o mafaufauga fou i o tatou tagata e fa’aaogaina ai togafitiga fa’aleNatura ma fofo-Samoa.

“E ono maua ai avanoa mo tagata asiasi mai mo togaifitiga i Samoa nei,” o lana fa’aaliga lea.

“O gasegase o le a malaga mai mo togafitiga, e le ni tagata matitiva. Atonu e ono nonofo ai loa i’inei mo se ta’i-ono masina ma fa’aalua ai a latou seleni i totonu  o le tatou atunu’u.”

  

LT
By Lanuola Tusani Tupufia, 18 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?