E Faigata ae taumafai pea - John Sefo

VM
By Vatapuia Maiava, 13 December 2016

“O le taimi lenei ia o a’u o lo’o o’u nofo le fale e va’ai la ma  fanau e to’atolu ae o lo’o faigaluega le tinā o le aiga.’ John Sefo o Papauta.

E maua le avanoa o le Fofoga o Samoa ma le tamā i a John o lo’o feagai ma  fuafuaga i le taeao ananafi.

“Ia o le taimi lenei , ia  a maua le totogi o le tinā o le aiga e pe na’o le $120 i le vaiaso, ae taumafai lava e feauauta’i le fa’asoa ona o le tulaga fo’i lea ia maua se mea’ai a si a’u fanau.

“E mo le silafia ai o le taimi lenei ia e to’atolu la’u fanau ma o lo’o laiti uma e leai ma se isi ua alu i le aoga.

Na ia ta’ua o le taimi lenei o lo’o ua amata ona titilo i se isi galuega aua lava le fanau i le tausaga fou.

ADVERTISEMENT

“Ia o lo’u ia iloa i ai  o le taimi lelei lava lea e su’e ai se galuega aua e le faigofie fo’i le taumafai e avatu fanau i le aoga.

“E pei ona silafia ai ia o tupe lava mea , ae o a’u ia le taimi lenei  e lelei ona su’e se galuega e fesoasoani ai i a te a’u ma le tinā o le aiga.

“O lo’u iloa i ai ua le faigofie nei aso, ma o le taimi lenei ia ua ave lava le fa’amuamua i fanau aua o le lumana’i manuia lea.

“Ia e ta’u sa’o atu lava o le tele o taimi ia ua le lava le fa’asoa, ae fa’afetai i le Atua e fua pea ulu ma fa’i lea o lo’o fesoasoani i lenei vaitau i le le a’uau o le fa’asoa.

“Aua o lo’u ia iloa i ai a le aunoa ma le tulaga lea ia e fa’aletonu....o lo’u ia maitau atu ia ua taugata lava le soifuaga.

“Ae le tatau lava ona nofoa’i ai le taimi lenei , ia va’ava’ai lava i so’o se vaega e ono fesoasoani mai.

“Ia o le tele lava o taimi ua la’u mai aufa’i a maua lava le $20 ia o lena lava.

VM
By Vatapuia Maiava, 13 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?