Galue a’o e malosi pea

AL
By Aruna Lolani, 11 July 2017

O le faatalatalanoaga a le Fofoga o Samoa ma Taimatuia Tautalaaso mai Falefa; sa ia taua ai o ia o se tama galue malosi.

O lenei tama e 63 le matua o lona soifua ma e toavalu lana fanau.

Sa ia taua o lana fanau ua faigaluega uma ma e eseese foi mea o loo faigaluega ai latou.

“O lau fanau ua faigaluega uma ma ua fai foi aiga o nisi,” o lana tala lea ile Fofoga o Samoa.

“Ae o ita a ia tate sau e fai nai ata galuega iinei le maumaga aua foi ta te le fia ola i se olaga paie.

“O le tausaga nei ua faavaivai ai le tele o tagata ae o au ia lea e maua le malosi mai le Atua.

“O le maumaga a la ou te sau ai e fai ni galuega aemaise a la le vaaiga o nai ou fai pei o se mea na ou te fiafia tele iai.

ADVERTISEMENT

“O lea la na outou maua mai au iinei lea e tau faamama atu lau sului mai aufai ma o le tina o le aiga o loo ma ii faatasi.

“Sa sau o ia e tau laufala ma fai ni ana lalaga.

“Ae o au a ia o le mea lea ou te fiafia ai ma ou te au malosi foi e fai.

“O lesi foi mafuaaga, ia o se faamalosi tino foi mo au ma e lelei lava mo lou soifua maloloina.”

Sa taua e Taimatuia, o ona aiga e nonofo ile aai ae o ia e fiafia e sau i uta i lesi taimi aua le vaaiga o lana maumaga.

“O lou aiga e nonofo uma i tai, aua e nonofo foi ma vaai lou tina matua,

“O lou tina ua 88 le matua o lona soifua ma o matou ma lou aiga e tausia o ia.”

Sa faapea mai foi Taimatuia ua faigaluega uma lana fanau ma o lana ulumatua; 37 tausaga la ua faigaluega ile Univesite ole Saute Pasifika i Alafua.

“O au la lea e mafua ai ona ou sau galue aua e lelei mo lou tino.”

AL
By Aruna Lolani, 11 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?