“E iai foi la’u matafaioi o lo’o fai” - Lene Leaupepe

SS
By Seia Soloi, 11 March 2017

O le tala mai lea a le taule’ale’a o Lene Leaupepe, 29 tausaga le matua mai i Falelauniu.

O ia o se alii talavou e le’i fai-aiga ma o lana faamamafa o le tausiga lea o lona aiga i mea e moomia ai lana fesoasoani.

“E iai foi la’u ia galuega o lo’o fai, ele faapea a leai se aiga ma se fanau ona leai ai lea o so’u aoga mo lo’u aiga” o lana tala lea i le Fofoga o Samoa.

O lo’o nonofo nei ma lona tuafafine ma lana fanau i Falelauniu, ma o lo’o faigaluega i le Bluebird i Vaitele. 

ADVERTISEMENT

“I le taimi nei o lo’o o’u faigaluega ma tausi lo’u aiga, aua ua leai ni matua e tausi ae ua ola lava le tagata ia ma tausi lona lava ia aiga.

“O la’u tupe maua mai i la’u galuega o lo’o feololo, e fesoasoani ai i mea fai i totonu o lo’ aiga aemaise mea afai a le lotu.

Na ia tau’a foi, e moni lava ua taugata le soifuaga ua iai nei ae a galue lava le tagata ia mo lona aiga, e maua lava mea aua le tausiga o aiga.

“E pei ua masani ai lava o tatou tagata i le tele o mea fai e faaaoga ai tupe, fai o mea i totonu o aiga, nuu ma le ekalesia, aua o tupe uma mea uma. Ma o leisi lea auala o lona faigaluega ai ona o le moomia tele o se fesoasoani mo totonu o lo’u lava aiga.

O le vaai mamao a le alii ia Lene mo le lumanai o le faia lea o sona lava ia aiga ma atia’e o ia lava i mea ua maua i ona lima.

“O le ala lava lena ua ala ai ona faigalueaga aua a oo atu i le taimi ua fai ai aiga ma tausi lava aiga, ua iloa le mea e tatau ona fai aua le tausiga o fanau, mo le lumanai.

“O le galue malosi lava, aua o le tausiga o aiga e le’o se mea faigofie, o mea ua maua ua lava lea ma totoe mo a’u ma lo’u aiga.

SS
By Seia Soloi, 11 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?