Mativa ona o le Alofa

SS
By Seia Soloi, 14 February 2017

“Faamuamua fanau aoga”

O le manatu lea o le Tina ia Suisau Va’aomanu mai le afioaga o Nuu ina ua maua atu e le Fofoga o Samoa i lona fale i le aso ananafi

O Suisau e toaono lana fanau, 35-tausaga le soifua ma o lana lea galuega i aso taitasi o le tapenaina lea o lana fanau i taeao uma, e momoli ma pikiina mai le aoga pea tuua.

Ua silia nei ma le 5tausaga o loo nonofo nei Suisau ma lona lava ia aiga i Nuu, ua tupu a’e se manatu ia tei laua ma le tamā o le aiga ina ia agai i le la fanua ma atia’e lo laua aiga

“O le tausiga o fanau e le’o se tiute faigofie auā e tele ai tupe fa’aalu e fai o pili aoga a’o mea fai i totonu o le aoga aemaise mea e manaomia mo ia ma lona aiga” o lana saunoaga lea i le Fofoga o Samoa

“Mai i lea to’aono e na’o le to’afā o lo’o ao’oga i le taimi nei”

Na’o le tama o le āiga e faigaluega, ma o ia fo’i lea o lo’o gafa ma le fa’atupeina o mea uma i totonu o le la aiga

“E $500tala ma ona tupu le totogi o lo’u toalua i le 2 vaiaso, ae e tele mea e ta tipi pei o lafoga o le NPF uma a’e ua totoe nao le $150tala i lea 2 vaiaso”

“E matuā lelava lea tupe mo le aiga ma mea fai”

ADVERTISEMENT

Ta’ua e Suisau, e le gafatia e le totogi o lona to’alua ona fa’aao’oga le la fanau e toa fa i le taimi nei

“O lo’o iai le ma tama’i faleaiga o lo’o fa’atuina i luma a’e o le fale faigaluega a lo’u toalua i le T.A.T.T.E., o lo’o fa’atauina ai ipu kofe ma pani, auā se mā’ua tupe maua mo lea aso ma lea aso.

“O lo’o ave le ma fa’amuamua i pili aoga a le ma fanau auā lea ua toe amatalia aoga i lenei fo’i tausaga” Talu ona nonofo o Suisau ma lona aiga i le la fanua fou, e iai nisi o atina’e o lo’o ua la faia nei e fesoasoani i le totogi o lona to’alua.

 “O fua o fa’aeleeleaga e pei o tamato ma kapisi, o lo’o ma fa’atauina nei e maua ai le $80 i le $90 I le aso, o tupe  la ia mo le pili o le paipa ma le moli”

E talitonu Suisau ua tele le taugata o le soifuaga, ae o lo’o ave le la fa’amuamua I aoga a le fanau auā so latou lumanai manuia.

“E eseese lava tagata ma le fa’auigaina o le olaga. Ae e le mafai ona tatou aloese mai ai auā e leai se mea e tupu ma se mafua’aga tatau”

O le naunautaiga o les tinā ina ia tu’u atoa iai lona malosi atoa auā se mea lelei mo lana fanau.

“E iai nisi o taimi ua le lava le tupe po’o le leai foi, ae e mana’omia loa e seisi o le ma fanau se mea tau i le aoga, ou te nofoa’i ou te alu lava e saili

Ou te lui’ina la’u fanau i le tele o taimi, auā ua telē lava le suiga o le olaga aemaise lenei vaitau ae o le fa’amamafa a le tinā “e tāua le fesili e malamalama ai”

E ui lava i le tele o faigata o le olaga o le manaoga lava o le tinā ia Suisau ia ola fiafia ma malolosi lana fanau mo le lumanai

O le lu’i a Suisau “Ia fa’amuamua ma ave lau lagolago i fanau ae aua le faamuamua manaoga le aogā  o tatou matua”

SS
By Seia Soloi, 14 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?