Manatu O Le Fa’atonu - Ua toe manatua le i’a e igoa o Pisafua

MK
By Mata'afa Keni Lesa, 15 July 2016

Talofa lava alii. O le aso 13 o Setema 2011, na tuuina atu ai e lenei tusitusiga ia te outou le tala o “Pisafua”o le i’a lea sa nofo i le “Malo o Neverfindland.” E tusa ai ma le anoano o suiga lautele, suiga tau polokiki ma le anoano o fonotaga a ekalesia ia sa faatino i le salafa o le atunuu, matou te talitonu o le tala ia Pisafua e matua tatau lava ona toe faamatala atu. 

Ia-o le tala la lenei: I aso lava la ua leva, sa i ai se i’a e igoa o le Pisafua. Sa nofo i totonu o se malo e igoa o Neverfindland. E tusa a ma le vaai a i’a o le lalolagi, o le Malo o Neverfindland-o le parataiso.  O le tamaoaiga na aliali mai e lelei ma o ona ta’ita’i-sa matua lauiloa lava. 

E tusa ai ma le faagasologa o tala o i’a laiti, o le soifuaga o Pisafua sa matua faigata lava. Sa matua faigata lava. Sa totogi i ai se totogi itiiti, o i’a e pei o ia sa noatia mo le faatinoina o galuega palapalā. O lona uiga-e tatau ona matua loto tele e tali atu i tulaga faigata mai le tafa o ata se’ia pogisa ma sa lamatia lona ola i taimi uma i le tele o malie ia sa fai ma avefe’au a i’a tetele. Sa manatunatu o ia pe aisea lava ua avea ai le olaga ma mea faigata.

Sa tepa atu i le isi itu i le matagofie o soifuaga o i’a tetele ma fesili ai i taimi uma- pe aisea lava ua ese ai lona olaga. Aisea ua le faigofie ai lo’u olaga e pei o i latou, o lana fesili lea ia te ia lava. O le pogai lea sa faaauau ai pea ona galuega ma le tiga Pisafua. O lea Aso ma lea aso, e ala po; ma matua galue i le vevela o le la i le aso atoa ma a o’o i le po ona sola lea o Pisafua i lalo o lona ‘amu. E tagi ma tagi, mo’omo’o mo se faaolataga..

Masalo na fuafua lava le olaga ina ia faapenei, o lona mafaufau lea. Ae peitai- e le na o ia. I Neverfindland, o isi i’a laiti e pei o Pisafua sa matua tauivi ina ia mafai ona faaauau pea. O le suiga o le Tau o lona uiga-o le a malolosi peau lalo. Ua amata ona mafanafana le suasami ma faaitiiti ‘amu ia e faaaoga e Pisafua ma ana uo e faamalumalu ai pe ua ave e i’a tetele  ia e faa-fia-malosi ma uia lo latou nofoaga.

Ae peitai-e ese ai mai ia Pisafua lea ua i ai le onosa’i a  le siamupini o le tuuga o le malafoni, o ana uo ua le lavā onosa’i. Ua latou manatu o le ala aupito i vave i se olaga faigofie- o le ave lea o mea mo i latou lava e aunoa ma le talosagaina o se faatagaga mai o latou pule.

O mea na latou aveina e le o ni mea se tele i se tasi itu, ae ua matua leai se alofa o le faamasinoga  a le Malo o Neverfindland. Ua ao e leoleo o le vai nei i’a laiti ma tuuina atu i luma o le faamasino le alofa-lea o le ana otegia i latou ona o le gaoi, faasala ma auina atu i latou i se nofoaga e igoa o Wrongheaven. O Wrongheaven o se nofoaga mata’utia. E tumu i i’a laiti ua avea ma pagota, ua matua faigata le olaga. Ae mo Pisafua, sa faaauau pea ona ia finau.

Ae peitai-e tasi lava le mea sa le malamalama ai o ia. Aisea ua le pu’e mai ai e leoleo o le sami le i’a lapo’a, o latou solitulafono e matua sili atu ona maoa’e ma leaga. Ua outou silasila la, o nei i’a tetele e gaoi mai Malo aofaiga tetele o tupe. E foliga mai ua malilie lava leoleo o le sami e tuli-aupū na o i’a laiti ona e afaina ai ma e le mafai e malie ona puipuia i latou i luma o le faamasinoga e leai se alofa. O le isi itu, o lima o i’a tetele e foliga mai i taimi uma e mamā.

E leai lava se taimi ua maua ai ni faamatalaga molimau ia lava-e aveese ai latou. Ma e tusa foi pe i ai se taimi-o taimi uma lava e tuu ai o latou lima i nofoaga sa’o ina ia vave ai ona faamagaloina i latou ae le mafai ona faagaloina.E tusa ai ma le faagasologa o le tala, o le faaaoga sese o meatotino a le malo sa matua sasao i totonu o Neverfindland.

ADVERTISEMENT

Ma o le a molimau lava Pisafua i le to’atama’i o le pulega a le Malo sa tauaveina e i’a laiti. Sa masani ona ofo atu i latou e avea ma mamoe e osi ai le taulaga i le pule saua a i’a tetele-ia o le a tuuina atu a latou paaga i tofi maualuluga ina ia tulai mai ma upu suamalie e mau ‘alofaga i ai pe a maua taitaia i latou. O le a faaaoga e le i’a lapo’a meatotino a le malo e pei o a latou lava mea. O le a latou matua faaaogaina sese ma a fesiligia, o le a fulitua i ai le pulega ma faamoemoe e feula ese. 

O le olaga o le i’a tele e uiga ese le manaia. O mea uma lava o mea ia latou te aveina. Sa fai se pati manaia pe tusa o isi aso uma lava-lea o le a latou potopoto ai, foliga fiafia ma faaauau pea a latou upu faa’ole’ole. 

A pa’ia loa ‘amu’amu i se tasi itu, o i’a tetele lava latou te nofoia toetoe lava o ‘amu lelei o loo i ai. Ae o i’a tetele foi e faalialia vale. I totonu o le Malo o Neverfindland, o le mitamita ma le fiafia o se i’a tele e maua mai tagata i fafo ia e manana’o e teu faafaigaluega a latou tupe i totonu o nisi o is ‘amu auro.

Sa le mafai ona faavaleaina Pisafua. Na ia iloa le mea moni. O nei i’a mai fafo o le a ulufale mai e peiseai o ni milionea faatasi ai ma latou upu malū. Ae peitai-o le a latou sailia ma le filemu teugatupe faafaigaluega mai tagata o le Malo ma le totogiina o aitalafu mai faalapotopotoga tau tupe ua leva ona i totonu. O le tala faasolopito o  Neverfindland e tumu i tagata faapea. O loo i ai foi le isi mea e ese ai e uiga ia Neverfindland  e tatau ona outou silafia.

O i’a e matua lolotu lava. Latou te tatalo i aso uma i se papa e igoa o Uaouiloalemeaolooefaia, e mafai ona faapuupuu ia Iseeu. E talitonu Pisafua ma ana uo e faapea i le ola –atali, o le a latou fetaia’i ai ma Iseeu. O le isi aso, ina ua mea se fe’ausiga mai mea mamao i le faagasologa o le tai-o’o, ua fiamoe Pisafua.

O se mea sese tele lea. A’o le’i ala lelei, sa aau sa’o atu lava o ia i totonu o le upega fagota na lafo atu e ia tagata mata’utia. E leaga le taunuuga o Pisafua. Na sasimi o ia ma matua ‘ai se alii onā i le falepia i se motu e latalata ane.

Ae peitai-e le o le faaiuga lea o le tala.Ua outou silasila la-sa ola pea le agaga o Pisafua ma mulimuli ane ona ia ulufia le papa o le Iseeu ua faaigoaina o le Rightheaven. Talu ai ona o ia o se tagata galue malosi ma le faamaoni, sa tuuina atu i lona aiga se faataliga faa-tupu. 

Na valaaulia o ia e taumamafa ma Iseeu Silisili Ese i lea lava taimi. O se taimi uiga ese lea ma sa matua fiafia lava Pisafua talu ai- o lona avanoa lea e faailoa atu ai ia Iseeu faiga pi’opi’o uma na ia vaaia i totonu o Neverfindland. 

I le laulau o le taumafataga i lea po, toetoe lava o le a fai se upu a Pisafua-fai mai loa Iseeu Silisili Ese: “Aua e te tautala la’u i’a, ua ‘ou iloa lau galuega. O lo’u igoa pe a faapu’upu’u o Iseeu. O a’u lava lea e tusa ai ma lo’u igoa –o A’u lea. Na ‘ou vaai i mea uma lava o loo tutupu  i totonu o Neveafindland ma o se aso, o i’a ta’itasi uma ma i’a uma lava o le a tali atu e tusa ai ma latou amioaga. Ae mo oe la’u i’a faamaoni, afio maia i Rightheavea.” 

Ma o le tala lenei tamaitai e ma alii-o  Pisafua. 

I le faaiuga, o lana galuega fita ma le faamaoni na tauia. E le mafai ona fai atu se upu faapena i isi i’a-sa faaaoga sese lo latou taimi i totonu o le Malo. Ae peitai-o lena ua outou silafia le mea a le tagata lava ia na maua. O le mea e lulū e le tasi o le mea lena e te seleseleina.

Ma i totonu o le Malo o Neverfindland lea e pulea e Iseeu Silisili Ese, e leai se mea e natia. O le a faaalia mea uma lava ma o le a noatia tagata uma-ina ia tali atu i lea itu ma le isi itu. Ua uma.

MK
By Mata'afa Keni Lesa, 15 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?