O LA’U TALA FO’I

13 August 2016

1.Matauina i Tala Fou se ulutala fai mai ua tuuina atu e Saina fesoasoani mo le lumana’i o Samoa-ma o lea tala fou e faasino i le tuuina atu  e la Amapasa a Saina i Samoa nei- o ni sikolasipi i le A’oga Maulalo a le afioaga o Sapapalii i Savaii….! O lea la tulaga na tulai mai ina ua mavae se asiasiga a le Amapasa o Saina o Wang Xuefeng- i lea afioaga-ma na tuuina atu ai ni sikolasipi tau faiga-uo a lea afioaga ma le Huizhou. Mo lenei la tausaga-e tusa ma le 120,000 tala o le a tuuina atu i ni tamaiti a’oga e sili atu i le 1,000- mai aiga e le lava lo latou tamaoaiga-mo ni aoga maulalo e 20 ma ni kolisi se 10 i Samoa atoa -faatasi ai ma ni tamaiti a’oga masani e 20 mai le Iuniveste Aoao o Samoa. Ia-o se fesoasoani tele ma le maoa’e lenei-ma afai e faaaogaina ma le tatau-e le taumate ona manuia ai alo ma fanau a le atunuu. O le fesili la pe faamata o faatauaina lenei fesoasoani tele- aemaise ai o le faaaoga lelei e ia a’oga o lea avanoa ua maua-e fesoasoani ai i nai aiga vaivai? Ae o le itu e sili ona taua-pe afai lea e faatauaina e faia’oga ma le fanau a’oga? O le a sou taofi?

ADVERTISEMENT

2. Matauina foi i Tala Fou se faalavelave tau taavale i Tuana’imato- lea fai mai na fai ma faalavelave i lea vaega o le ala tele. O le matau la i lea faalavelave-ua matua leaga lava le tasi o taavale na aafia ai-ae fai mai o ia taavale sa faafoe e ni tamaitai-ma sa aga atu i le itulagi e tasi-Fai mai sa taumafai le tasi taavale e toe liliu faataamilo mai-i le laina i fafo-ae o lona itu lelei-e leai se tasi na manu’a ai! Afai la e fai se fesili pe aisea ua tutupu soo ai nei faalavelave tau taavale-ia atonu e ono maua mai se tali –i le faalapotopotoga o loo gafa ma lenei mataupu! Ae afai e mafua mai ona o le le malamalama i le tulafono tau feoa’iga i ala tetele-ia atonu o le taimi tonu lenei e tatau ai ona fai se isi fuafuaga-ina ia ‘alofia ai le tutupu mai so’o o nei faalavelave. O le uiga la o se manatu-atonu e le taitai ona lava le i ai o le laisene o le avetaavale-ae ona pau o le ala e mafai ona fo’ia ai-o le matua aoaoina lelei lea o tagata avetaavale i tulafono tau feoaiga i ala tetele-aemaise ai lava-o lea foi o le a toe sui le Tulafono o Ala Tetele! O le a sou taofi?

3.Matauina i Tala Fou se ulutala e uiga i ni “Meaalofa mo le Faletusi o le Iunivesite-ma o lea ulutala e faasino i le Iuniveste Aoao o Samoa…! O le matau la i nei meaalofa-“o ni meaalofa taua tele -aemaise ai lava mo se nofoaga e pei o le Iunivesite Aoao o Samoa-lea o loo aoaoina ai le fanau mo so latou lumana’i manuia! Ae le gata i lea-afai o le Iunivesite o le tulu’iga lea o le ola aoaoina o le fanau-e tatau la ona lava ma totoe ni tusi a’oga ma se Faletusi lelei- e tua i ai le fanau-i lo le feoa’i solo o nai tamaitai e tau saili ni tusi e tapena ai a latou su’esu’ega. Ia atonu o se tasi lenei o faamuamua e tatau ona faatino- ina ia mafai ai ona matua mauoloa lo tatou Iunivesite i Tusi ma Faamaumauga uma mo suesuega a le fanau-ona faatoa maua ai foi lea o le tulaga aoaoina tatou te mana’omia! O le a sou taofi? 

4. Matauina foi i Tala Fou le toe filifilia o le Fetalaiga a Fiu Mataese Elisara e avea ma sui o faalapotopotoga faa-itulagi poo le Fofoga o le Pasefika mo le Siosiomaga o le Lalolagi. O Fiu Mataese la lea ua toe filifilia e avea ma Fofoga o le C.S.O. i le G.E.F.ina ua mavae le fa tausaga o lana auaunaga i lea lava tofi. O le matau la i lea tofiga maualuga-ua matua talafeagai lelei ma le Fetalaiga a Fiu Mataese-ma e le taumate le tele o sona aoga ia Samoa….! O le a sou taofi?

13 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?