E i ai le ‘ese’esega o le olaga i nu’u i tua ma Apia – Itea Isara

VM
By Vatapuia Maiava, 04 September 2016

O le aso ananafi na maua ai le avanoa o le Fofoga o Samoa e fa’atalatalanoa ai le tinā  i a  Itea Isara, 33 tausaga o le afio’aga, Lemafa, Fagaloa.

O lea fa’atalatalanoaga na fesiligia ai Itea i nisi o mataupu tau i le soifuaga mo sona finagalo fa’aalia.

E aofia i nei mataupu na fesiligia ai;  fa’afitauli o lo’o ia maitauina pea, o lo’o ‘ese’ese ai o le olaga i afio’aga i tua ma Apia, ae le gata i lea  o sona taofi po’o mativa Samoa pe leai fo’i.

Na  fa’ailoa ma le manino e Itea i le Fofoga o Samoa le tele o mafua’aga e mafua ai ona  sili mamao  le soifuaga i afio’aga i tua nai lo Apia.

“E ta’u sa’o atu lava o a’u e fou i totonu o le nu’u lenei, o a’u o le tagata fai mai i totonu o le nu’u,” Itea Isara.

“O la’u ia sau ma ou va’ava’ai, e matua’i ese’ese lava ma le olaga i Apia.

ADVERTISEMENT

 “O ‘i’inei e fai fa’ato’aga, maua ai tupe i aso uma lava, e le pei o Apia, a le o i isi nu’u e galulue ai e le maua ni a latou tupe, ae o le soifuaga ‘i’inei, e maua lava tupe i vaiaso uma lava.

“O le tele lava o aso ta’itasi e o ai i fa’atoaga, e matua’i tele lava o le ‘ese’esega o le soifuaga i nei ma Apia, o Apia lava ia a le la’u i le maketi mea e fa’atau ai e le mafai ona maua se tupe ae o ‘i’inei e fa’atau lava le tele o mea i luma o lumafale , maua ai tupe fa’atau ai mea’ai ia ma fai aoga a tamaiti ae le gata i lea o  mea’ai a tamaiti i le aoga.

 “O lau ia lea fa’asoa, e matua’i ‘ese’ese lava ma Apia.

Na toe tapā e le Fofoga o Samoa lona silafia i fa’afitauli  o lo’o feagai pea ma le tele afio’aga i tua e pei o le itu tau i le suavai, eletise ma isi.

Na saunoa Itea “O ‘i’inei ma Apia, o Apia e mita le vai ae o matou  e maua lava le suavai fua e le pei  la o Apia e totogi le vai, e na’o le eletise lave e tutusa ai tua nei ma Apia. 

“O iinei i Falevao, o tai lava ia o le le ‘a’ai, ae o le itu lenei o le togavao na o le fa lava aiga i totonu o le vaega lenei, ae o tai e i ai le ‘a’ai, ia e sa’oloto lava i le suavai.

Na ia ta’ua ma le manino i le Fofoga o Samoa, e leai se mativa i Samoa nei.

“E a la na mativa Samoa o le leai o se galue punoa’i, ae e le mativa Samoa, e le pei Samoa o atunu’u i fafo a le galue e le maua le tupe ae o ‘i’inei e le mativa Samoa, o e matua’i sa’oloto lava Samoa mai le mativa.

VM
By Vatapuia Maiava, 04 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?