TALA FAASOLOPITO O SAMOA MAI LE AMATAGA

20 February 2016

Tapena ma Tuufaatasi e Fuimaono Na’oia Fasavalu Touli F. Tupua mo le Samoa Observer. 

 

O le Fale Meli- Sa pulea e Herr Traub, ae fesoasoani i ai Herr Mohr.

Auaunaga Tau Telefoni-Na faatu se Vaega tau Telefoni e fesoota’i ma le Imperial Post Office i Apia. O totogi mo le faapipiiina o telefoni, e aofia ai le faatuina ma le tausia lelei e 200 m. i le tausaga, i totonu o se faataamilosaga e 5 kilomita (e tusa lea ma le 3 maila), ma e 4 m.faasili i le tausaga e tasi mo le 100 mita ta’itasi i tala atu o lea faataamiloaga. O se telefoni e leai se totogi mo le faaaogaina e tagata lautele sa tatala i le Fale Meli. O le totogi mo le faaaogaina e 20 pfenning mo le ta’i 3 minute.

 

PULEGA O MATAUPU 

ADVERTISEMENT

TAU SAMOA -

Sa pulea e le Alii Sili o Mataafa, ma o lona Ofisa sa galue ai Meisake, Te’o ma Tolo e avea ma failautusi, ma e ta’i 3 Pauni i le masina o latou totogi. E to’atele tamalii ma failauga e galulue faatasi ma le Alii Sili. 

I le amataga, sa nonofo i latou uma i Mulinuu, ae o le 1905 na tonu ai i le Kovana o Solofa e tatau ona latou nofoia o latou lava itumalo, ae fono ma ia i Mulinuu pe a mana’omia e talanoaina mataupu e tuuina atu ia i latou.

O nuu uma e tofu ma le Faipule ma e tofu le itumalo ma le faamasino Samoa, o ia lea ua tuuina atu i ai le pule e fai ai faaipoipoga. E failautusi ia te ia se tagata Samoa. E tofu le nuu ma le tagata e aoina le lafoga, ona faao’o mai lea o ia lafoga i le Matagaluega o Tupe i Apia. E na o le tasi lava le lafoga tuusa’o e totogi e le tagata Samoa, o le lafoga tau le palota e 8 seleni i tausaga uma mo alii ma le 12 seleni i tausaga uma mo le Sa’o o le aiga. 

E leai ni lafoga a fafine ma tamaiti. O le taimi na pulea ai le atunuu e malo tetele, o le taimi lea na fai ai le lafoga e 4 seleni i le tausga  mo alii uma lava .

Eleele-O le itu i eleele i le taimi o Siamani Samoa- e leai se tagata o Samoa na faataga e tuuina atu i Papalagi se fanua e i fafo atu o tuaoi o se itumalo sa avea ma vaega o le Eleele Sa, ae mafai ona latou fai i totonu lava o tuaoi o le nuu sa avea ma vaega o le Eleele Sa. 

E mafai ona latou faia lea tulaga i totonu e tusa ai ma tuaoi mavae, ae ia muamua ona maua mai le faatagaga mai le Kovana. 

Ae talosia o le a vave ona toe sui lea tulaga. O tuutuuga la mo eleele uma lava e i fafo atu o le Eleele Sa e faatapula’a i le 40 tausaga, ae eseese le totogi o le lisi e afua mai le 1 le seleni i le 6 seleni i le eka i le tausaga e tasi. 

O le manatu o isi o le atunuu e matua sese lea fuafuaga o le faataga o tagata Samoa e faatau atu eleele o lo latou atunuu aua e faapea foi le mea na tupu i le Sandwich Island-ma na aveeseina ai eleele sa fai ma pine o lo latou ola. 

20 February 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?