Se tina e malosi i le ola galue

AL
By Aruna Lolani, 08 May 2017

E ui ina foliga matua lenei tina, ae o se tina loto malosi ma fiafia i le ola galue.

O lona igoa o Mitaina Faaletatau mai Taelefaga ma e 56 le matua o lona soifua.

Na maua le fa’atalatalanoaga a Mitaina ma le Fofoga o Samoa a’a aga’o ia e tau ni koko Samoa mo lona aiga.

“O le fanua matou te maua uma ai a matou mea’ai,”o lana tala lea i le Fofoga o Samoa.

 “O a’u ou te kukaina mea’ai mo lo’u aiga ma o se fa’amalosi tino lelei lava lenei mo tagata ua o’o i le matua loua ou iai.

“O lo’u aiga matou te faia le ava Samoa ma matou te fa’atauina atu e maua ai se matou seleni.

ADVERTISEMENT

“E tele a la se matou tupe maua mai iai.

Na ta’ua e Mitaina o ia e nonofo i le fale ma lana fanauiti, aua o lona tama o le aiga ma le to’alua  a lana tama teine e faigaluega.

“O si a’u fanau iti a la lea e matou te fa’atasi i taimi faigaluega a isi tagata o le aiga aua o la’u tama teine e nofo i le fale a lona ia to’alua ma  e le mamao atu ma iinei le mea e nonofo ai.

“Ou te va’aia uma mea i totonu o le aiga ma ou te tino malosi fo’i i le faiga o mea’ai. O le fa’ato’aga ma fanua e aumai ai a matou mea’ai ma ia a’u a ia, e le’o se mea faigata. 

“O matou vai fo’i e aumai mai le vai o lenei mauga.

“A fa’apea o oe o se tagata e te fa’alagolago i le fanua, ia o le tele fo’i na o lou tomai e maua mai le faiga o le olaga faifa’ato’aga.

“E saogalemu a lenei itu ma e lelei fo’i e mamao mai le taulaga.

“O a’u e le fia umi tele ona ou alu i Apia, e tele a na ou te fia sau i tua nei.

“O le ele’ele a lea sa ou ola ifo ai.

AL
By Aruna Lolani, 08 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?