“Fai sou sao” Esera i isi tupulaga talavou

By Seia Soloi 08 March 2017, 12:00AM

Ia faaaoga tatau le taimi e saili ai ni galuega e tausi ai aiga ma matua, o lou sao foi lena o oe o le tupulaga talavou o le manuia o Samoa mo nei ma a taeao.

O le manatu faaalia lea o le taule’ale’a o Esera Tuiala, 20-tausaga le matua mai le afioaga o Vaitele.

O Esera o lo’o faigaluega nei i le supamaketi a Frankie i Vaitele.

“Sa ou faigaluega muamua i Aggies i Mulifanua, ma sa lelei lava la’u tupe maua mo lo’u aiga aepeitai ane, ua le tutusa le galue ai le taimi nei ma le totogi o lo’o maua

“E pei o le mafuaaga tonu lava lea ua sui ai la’u galuega ona e latalata mai ii i lo’u aiga aua e tausavali i le mamao o Mulifanua i aso uma.

“Out e savali a i la’u galuega i aso uma e sefe le tupe e ave i matua aua nisi mea fai a le aiga, pei o le totogi ina o pili o le moli ma le vai aemaise o faalavelave i totonu o aiga aua o lo’o tutupu pea i aso uma.

Ua maitauina le tele o suiga ma faafitauli i lenei vaitau ua alia’e mai i tupulaga tele faalavelave ma luitau.

“Tele tupulaga ua iu aoga, ae ua le o e saili ni galuega e tausi ai matua, sue le galuega e alu aoga ai le malosi na i lo le alu vale solo.

O le vaai mamao a lenei taule’ale’a mo le lumanai, o le faia lea o sona aiga e atia’e mo sona ia lumanai.

“Tele suiga o le olaga ua taugata ai foi ma le tau o le soifuaga, aua e alu lava i luma le olaga ma ona luitau.

Na ia tau’a foi, atonu a avea o ia e fai ma luitau i isi tupulaga talavou o lo’o faavaivaia, ina ia saili galuega aua le tausiga o matua ma aiga.

“E tele le sao o talavou mo le manuia o aiga i le lumanai ae a faapalapala loa i le taimi nei, ua leai se faamoemoe atoa.

By Seia Soloi 08 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>