Ua o’o mai lava i le 2017 e leai lava se suavai

AL
By Aruna Lolani, 05 July 2017

O le vai lava ia i lona fa’atulaganana i le tagata o le ola ma le malosiaga. 

A leai se vai ua leai foi se ola. 

O lea le manatu o Solomona Amosa o Fasito’o Uta.

“Ou te fa’afetai lava a’u ia ona o le ola alofa ma le agalelei o le Atua e aulia ai le isi aso,” o lana lea tala. 

“O le uiga o la’u tala, o nei e leai se suavai maoti, e le’o o’o mai le paipa i uta nei i aiga. O le mafatiaga sili lea i aiga i uta ona o le leai se suavai mautu. 

“Na ave foi talosaga, na fa’afia lava talosaga ia ae le’o maua mai lava se tali mautu. Fa’atali tali lava le Malo i se tali mai. 

“Ua laki lava o tane na fa’atau o lo’o maua ai nei le suavai ia ma le fesoasoani malosi o le timu o lo’o ola ai nei si o matou aiga. 

ADVERTISEMENT

“Na ou ola mai lava i nei e leai se suavai e o’o mai lava lenei tausaga e leai foi se vai. 

 “Afai ae tele le aoga le suavai ia te outou e fa’apena foi le tele o se aoga ia te i matou foi.

“E mana’o mai lava si o matou aiga le suavai. 

“Ia o le tulaga la tau suavai e la’u mai lava i tai le aai. 

 “O si o matou aiga foi e ova ma le to’a 7 tagata e nonofo ai, ia e mana’omia lava le vai i aso uma e nei tagata. 

“O le ala foi le ao lo’u fa’apea atu ua le toe uma le vaiaso i se tane vai. 

“O si o matou aiga foi e leai se tasi e faigaluega, o le maumaga lava o lo’o tua ia. 

“Pei ona taga’i atu o le afa o le fanua nei e tōtō ai talo ma fa’i. 

“O le ala faigata foi lea o le leai se suavai, aua e leiloa po fea le tupe e fa’atau ai le suavai ao fea foi le tupe e tausi ai  le aiga. 

Mo se tasi e fia fesoasoani me iloa ina se tasi e maua ai se fesoasoani o Solomona ma lona aiga fa’afeso’otai le numera 7231136 po’o le 7283890

AL
By Aruna Lolani, 05 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?