E faigofie mea uma

AL
By Aruna Lolani, 05 June 2017

O le talitonuga o le tinā i a Taeao Napoleone o Solosolo lo’o sologa lelei mea uma o lo’o ua i ai le taimi lenei i totonu o le atunu’u.

“I a te a’u lava ia ou te leiloa po o le a le mea e fa’apea mai ai le to’atele e taugata le tau o le soifuaga o lo’o ua tatou i ai nei.

“Ae o lo’u ia iloa i ai, o lo’o sologa lelei mea uma, o le itu mautinoa, o le fa’apalapala lava ma le paie e alai ona mativa le tagata.

“O lea le itu o le tele ai o le le le tagolima i lenei vaitau, ona o le to’atele o si o tatou atunu’u e le galulue lava e pei ona masani ai.

O le tinā i a Taeao e to’afa ona alo.

ADVERTISEMENT

 “Ia  epei ona ou taua muamua o lo’o sologa lelei mea uma i totonu o si o matou aiga, e leai ma se mea lava e tasi o fa’aletonu.

 “O lea fo’i ua fo’i mai le ma’umaga ia o fua lava o fa’ato’aga e pei ona i ai kukama ma isi o lo’o mafai ona maua ai mea’ai ma fa’atau atu aua se mea’ai o le afiafi a le aiga.

 “O le itu mautinoa e leai se isi o fia’ai, o lo’o lelei fo’i lava le gataifale pe a fagotaina, ia o lea fo’i e tau aga’i atu ai aua lava le taumafataga o le aso.

 “Ia tatou te ioeina le tele o le si’itia ai o le tau o le soifuaga o lo’o ua i ai nei, ae pei o lea lava le itu o lo’o ua taumafai ai le taimi lenei, ia mafai lea ona fesoasoani tele i aiga aemaise o mea  fai i lea aso ma lea aso.

Na ia ta’ua o le tele lava o tagata o le nofoa’i lava o lo’o mafua ai le tele o vaega o lo’o fenumia’i lenei vaitau.

“Aepeita’i a o tatou galulue lava mo le lumana’i, ia o lea lava le agaga maualuga, e le taumateina i le tulaga lelei ai aua le aga’;i atu i le lumanai.

“O se itu lelei tele lea mo le to’atele o nai o tatou tagata, ina ia aua ne’i fa’alogologo tiga ae galulue punoua’i mo le aga’i i luma.

“Aua o manuia na o Samoa ma fanau o a taeao, pe a galulue ae aua le fa’alogologo tiga.

AL
By Aruna Lolani, 05 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?