Ua amata le Pepa Fou o Galuega
O le faaiuga mata’ina a atunuu e 193 – e aofia ai ma Samoa-e liua ai i se tulaga aloa’ia le lalolagi mo tagata ma le paneta ua amata ona faamamaluina.
O ni unaiga o le tausaga fou i totonu o le faatinoina aloa’ia o se fuafuaga loto tele ma le mafai ona liua ai o le Pepa o Galuega 2030 mo le Atiina A’e Faatumauina na faamaonia e ta’ita’i o le lalolagi ia Setema talu ai i Malo Aufaatasi.
O lea Pepa fou o Galuega ua valaauina ai atunuu ina ia amata taumafaiga ina ia ‘ausia Sini Faamoemoeina Tau le Atiina A’e e mafai ona Faatumauina (S.D.G’s) i le isi 15 tausaga.
O ia Sini e sefulu ma le fitu Tau le Atiina A’e e Mafai ona Faatumauina o la tatou silasila fefaasoaa’i e uiga i le tagata ma se feagaiga lautele i le va o taitai o le lalolagi ma tagata,” o le faaaliga lea a le Failautusi Aoao o Malo Aufaatasi o Ban Ki-moon.
“O ia mea o se lisi lea o mea e ao ona fai mo tagata ma le paneta, ma o se ata faata’ita’i lea mo le manuia.”
O S.D,G’s na malilie ma talia faatasi e Setete Auai e 193 o Malo Aufaatasi i se fono iloga ia Seteme 2015, e fo’ia ai mana’oga o tagata o atunuu ua maualuga lo latou atiina a’e ma atunuu tau ati a’e-lea o loo faamamafa ai e faapea e leai se tasi e tatau ona tuua.
E lautele ma anoano mea e manaomia o loo aofia ai, o le Pepa o Galuega ua fo’ia ai ni vaega se tolu o atiina a’e e mafai ona faatumauina: i lona tulaga lautele, tamaoaiga ma le siosiomaga, faaatasi ai ma itu taua e faasino i le to’afilemu, amiotonu ma faalapotopotoga lelei.
O le faagaoioiga o faiga e faatino ai, e aofia ai punavai tau tupe, atiina a’e tau tekonolosi ma le faaliliu atu ma le faateleina o le malosi, faapea foi le matafaioi a faiga faa-paaga, o loo faaalia foi e avea ma tulaga faigata.
O le Fono i Pale e uiga i le suiga o le tau o loo vaaia e le toatele o se tofo muamua lea o le loto tau polokiki e faatino ai le Pepa o Galuega.
“O le Maliega i Pale o se manumalo lea mo tagata, le paneta, ma mo le tele o isi mea,” o le faaaliga lea a Ban Ki Moon
“Mo le taimi muamua, ua folafola mai e atunuu uma o le lalolagi le taofia o a latou kasa leaga, faamalosia o le tali atu ma se gaoioiga faava-o-malo ma totonu o atunuu taitasi e fo’ia ai le suiga o le tau. O le ta’ua o le suiga o le tau-o lea ua matou tuuina atu ai le Pepa o Galuega 2030 mo le Faatumauina o Atiina A’e.
O le liua o lenei vaaiga i totonu o le mea moni i lona tulaga muamua-o le matafaioi lea a atunuu, ae manaomia ai foi ni faiga-paaga fou ma le tu-poupou faava-o-malo. Ua tofu le tagata ma lana e fai ma e tofu tagata uma ma le sao e tatau ona fai.
O Toe iloiloga o le tulaga auiluma e tatau ona faatino i taimi uma i totonu o atunuu taitasi, e aofia ai ma faalapotopotoga lautele, pisinisi ma sui auai o le tele o vaega e fia auai. I le tulaga faa-itulagi, o le a fefaasoaa’i atunuu i o latou poto masani ma fo’ia mataupu masani-ae i le taulaga faale-tausaga i Malo Aufaatasi- o le Fono MaualugaTau Upufai e uiga i le Faatumauina o Atiina A’e (HAPF) o le a latou iloiloina le tulaga auiluma i le lalolagi atoa, ma mata’itu ai faaletonu ma mataupu ua tulai mai- ma fautuaina gaoioiga sa’o e tatau ona fai
O Sini e 17 tau le Faatumauina o Atiina A’e ma le 169 o fuafuaga a le pepa fou o galuega o le a mata’ituina ma toe iloilo e faaaoga i ai se seti o faailoilo a le lalolagi.
O nei fuafuaga o le a tuufaatasia i totonu o se Lipoti Faale-tausaga o le Tulaga Auiluma a le SDG.