Faatūtū le vaai a le Hope 4 Cancer i le MedCen

DF
By Deidre Fanene, 26 May 2016

Ina ua mavae se vaitaimi umi e ono masina o avanoa, o le Falemai muamua o le MedCen i Vailima atonu o lea lava ua latou maua mulimuli ane ai ni tagata fou e faaaogaina. O loo tilotilo le Palemia o Tuilaepa Sailele Malielegaoi i le faatuina i lea nofoaga o le Hope 4 Cancer i le taimi nei- a’o tau saili e le Malo sona nofoaga tumau e latalata i le sami –mo lea falema’i. 

Na faamaonia lenei itu i le Aso Gafua ina ua mae’a ona tuuina atu e lea vaega se talosaga i luma o le Palemia, Minisita o le Kapeneta ma sui auai o le Vaega Tau le Soifua Maloloina le uiga moni o le Hope 4 Cancer.  “O nei foma’i e o mai le Iunaite Setete o Amerika, ua i Samoa nei e togafiti gasegase uma aemaise ai lava le Kanesa e ala i le faaaogaina o ituaiga  eseese o togafitiga i lo le tuuina atu o le gasegase e uia le ‘chemo ma le radiation,” o lana faaaliga lea.

 “O lenei vaega ua na matua fautuaina le taumafaina o mea’ai tau le soifua maloloina ma togafitiga e masani ai e pei ona tatou faia i Samoa nei.

“E anoano tagata e gasegase i le kanesa latou te le manaomia le uia o togafitiga masani o le kanesa e pei o le chemo ma le radiation ae latou te fiafia e uia auala ia ua aumai e nei foma’i i luga o le laulau. 

O le pogai ua latou manana’o ai e faatu se falema’i iinei i Samoa ona o le toatele o a latou gasegase e mai Niu Sila ma Ausetalia ma o le a sili atu ona faigofie mo nei gasegase ona malaga mai i Samoa i lo le faaalu o tupe e tele e o atu ai i Amerika lea e matua taugata lava. “O i latou (gasegase tau kanesa) latou te le manaomia foi le uia o se togafitiga faigata- ae manana’o e fai nei togafitiga ia e matua faigofie ma itiiti le tiga.” Sa faaalia e Tuilaepa e faapea o nei foma’i ua matua aoaoina lelei ma e tele tausaga o lo latou poto masani faapea foi ma le toatele o a latou gasegase ua toe malolosi mai le kanesa ona o nei togafitiga e pei ona masani ai. 

 “E tusa ai ma lona manatu- o lenei fuafuaga o le a manuia ai Samoa i le tele o auala; e le gata ina faapea o le a toatele o le a malaga mai iinei- ae i le itu i le tatou alamanuia tau turisi,” o lana faaaliga lea.

“O le a le toe faaaluina e le malo le faitau miliona ma miliona e auina atu ai gasegase i atunuu mamao, ae o le a togafitia lava i latou iinei. “Sa matou o atu e tilotilo i le Falemai o  MedCen i Vailima e amata ai le latou falema’i- a’o matou tilotilo mo se nofoaga lea e latalatala i le sami –talu ai- e manana’o foi nei ia soifua i se ola fiafia a’o latou i ai inei mo togafitiga.

“O le faamoemoe mo lenei taumafaiga ia malaga mai tagata i Samoa ma ia maua foi ni foma’i faapenei e fesoasoani i o tatou tagata ma ia tatou le toe faaaluina ai nisi tupe i le auina atu o gasegase i atunuu mamao ae o’o ane i le faaiuga-e faanoanoa lona taunuuga.”

O lea manaoga  e mai lē na faavaeina ma o le Foma’i Faatonu o le Hope 4 Cancer Institute i Mexico, o Dr Antonio Jimenez. Fai mai Dr. Jimenez e togafiti e le Faalapotopotoga gasegase o le kanesa o ituaiga uma lava ma i latou e maua i ma’i o isi ituaiga o olaga.

“Matou te togafitia foi gasegase faigata mo se faata’ita’iga o le ma’i suka,” o lana faaaliga lea, “ma gasegase o ma’i e faigata ona taofia.” “O la matou savali i totonu o Samoa o le faavaeina lea o se Nofoaga Autu o le Hope 4 Cancer e faatosina mai ai turisi mo togafitiga,” o lana faaaliga lea.

“O le a matou maua ma mafai ona fai faiga e fo’ia ai Lu’itau Matuiā Tau le Soifua Maloloina o loo feagai ma le faitau aofa’i o tagata Samoa ma o le a matou togafitia gasegase o tagata Samoa ua maua i le kanesa i totonu o le atunuu ina ia ‘alofia ai le malaga atu i isi atunuu mo ni togafitiga e leai se aoga.”

Fai mai Dr. Jimenez ua latou filifilia Samoa ona o lona tulaga lelei i le faafanua o le lalolagi-e latalata i Ausetali, Asia ma Aferika.

ADVERTISEMENT

“E le gata i lena, ae o le maulalo o le tau o le soifuaga i Samoa o le a sili atu ona faatosina i lo isi atunuu, ona o le tau o le faasaoina o le mafuaga autu lea o filifiliga mo turisi mo  togafitiga e 70%.

 “E mafua foi ona o le lagolago a le malo ma le lelei o le siosiomaga faale-tulafono, o le a faatagaina ai i matou e tuuina atu togafitiga e sili ona lelei e mafai ona maua.” Fai mai a ia o faamanuiaga  mai turisi tau togafitiga mo Samoa o le a maua ai galuega a le falema’i-ia o le a latou manaomia ai tagata Samoa o ituaiga eseese tau le poto masani.

 “O lo matou faamoemoe ia faaaoga tagata faigaluega o Samoa i le mea sili e manfai ona o’o i ai,” o lana faaaliga lea. O le a matou sailia foi galuega i se faiga e le tuusa’o i totonu o le alamanuia tau turisi i lona tulaga lautele.” 

“O Tagata gasegase ma latou paaga o le a latou faaaogaina fale talimalo ma fale’aiga, o le a latou asia nofoaga o mataaga mo turisi ma fautuaina Samoa i isi pe a latou toe fo’i atu ma o le toatele o gasegase e mafai ona toe foi mai e ala i ni a latou lava asiasiga.” 

Sa tuuina atu foi e Dr. Jimenez le Ata Faataitai o le Hope 4 Cancer Business Model mo le Turisi Faa-fomai a Samoa.

“ O le falemai o le Hope 4 Cancer’s Samoa o le a faavaeina muamua i se fale tau togafitiga o loo i ai nei faatasi ai ma le avanoa i ‘diagnostics ma imaging facilities,” o lana faaaliga lea. “E tusa ai ma le tuputupu a’e o le maketi, o le a matou galulue i luma ma le tuto’atasi, ia mafai ona fuafua ma ia avea ma fale e maua aim ea uma.

“O le polokalame o le a faalagolago malosi i luga o la matou falema’i o le Cancun outpatients i Mexico. “O tagata mama’i o le a faamautu i totonu o ni nofoaga lelei mo gasegase tau –savali, faatasi ai ma ni nofoa faalagolago, se vaaiga lelei fafo ma ni fesootaiga i audio-visual systems mo le faaauaina pea o lo latou aoaoina.

“O le umi masani e nonofo ai o le tolu vaiaso mo gasegase tau kanesa, ma o fuafuaga tau togafitiga mo isi-o le a ati a’e ni faiga e iloa ati ta’ito’atasi e tusa ai ma o latou mana’oga.”

Sa faaauau pea lana faaaliga ma fai mai o le a latou fai paaga foi ma fale talimalo o le atunuu ina ia tuuina mai ni avanoa lelei e nonofo ai gasegase ma latou ‘aumea poo malo.

“O le a matou faia fuafuaga ma fale’aiga i totonu o le atunuu ina ia mautinoa ai e faapea ua avanoa gasegase i fuafuaga tau taumafa faatasi ai ma taumafa filifilia  ua faamaonia e le Hope 4 Cancer (taumafa tau fualaau, taumafa lelei, leai se ga’o-taumafa e leai se totogi). “O le a tuuina atu i gasegase feiloaiga  tau ‘afa aso, ono aso i le vaiaso. “O vaega o totoe o le taimi o le a sa’oloto ai gasegse e tali meaalofa tau turisi a Samoa.”

Na ta’ua foi e le Foma’i Faatonu e faapea o polokalame tau aoaoga ma le Puipuia o le Soifua Maloloina o le a mafai foi ona maua mo Samoa. “O le a matou matua auai i le atiina a’e o se polokalame tau aoaoina lea o le a aoaoina ai tagata e uiga i fuafuaga e taofia ai e afua mai lava i le amataga, ma e amata i tagata aupito i laiti,” o lana faaaliga lea. “O nei polokalame e mafai ona aofia ai a’oa’oga, mafutaga tau aoaoga, faatinoina o vasega tau kuka ma isi lava mea.

“A mafai ona pulea uiga masani a tagata matutua, e le mafai ona latou aoaoina tupulaga laiti. O le a taua ona aofia ai faia’oga galulue fua tau le soifua maloloina ina ia faatumauina le malosi o le polokalame.

O le aafia ai o le Malo ma le faifai pea o taumafaiga a nusipepa mo le polokalame o le a matua taua tele. Matou te manana’o foi e talanoa e uiga i faiga a le malo ma ala e faatapulaa ai le avanoa i taumafa gaosia ia e maualuga le suka-ona o le faigofie ona maua o ia taumafa o le a afaina ai fuafuaga e sili ona lelei ua faata’oto.”

Na ia talanoaina foi le togafitia o gasegase kanesa a Samoa i o latou aiga e fai ma suiga o le turisi faafoma’i. O le avanoa o le Hope 4 Cancer i totonu o Samoa-o le a mafai ai e gasegase tau kanesa o Samoa o le a mafai ona avanoa ai latou i le tulaga maualuga tau togafitiga ‘notoxic’ i o latou aiga,” o lana faaaliga lea.

DF
By Deidre Fanene, 26 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?