E ono mata’utia ni moliaga o le Ave-taavale

PM
By Pai Mulitalo Ale, 09 August 2016

O se avetaavale e 34 tausaga le matua o le pasi o le Queen Patsy lea na lavea i le lua vaiaso talu ai e ono feagai ma ni moliaga mata’utia, e pei o le fasioti tagata poo le fasi tagata pa’i valea.

Ae o le matuia o moliaga o le a faavae lea i luga o suesuega ma le tulaga o faamatalaga molimau ua uma ona tuufaatasi. E tusa ai le Alii Ofisa mo Nusipepa a Leoleo, o Su’a Lemamea Tiumalu-fai mai a ia e le’i malosi lava le avetaavale mai manu’a ma e le o i se tulaga lelei.

ADVERTISEMENT

“O moliaga e ono mafai ona tuuina atu i lenei vaiaso, ae faalagolago lava i le tulaga o le avetaavale,” o le faaaliga lea a Su’a.

O lea faalavelave na tupu i le ala Kolosi o le atunuu pe tusa o le 4 i le 5 i le afiafi o le aso 22 o Iulai.

O loo i ai le talitonu sa tauaveina e lea pasi le sili atu i lo le 50 o le pasese ma e tusa ai ma isi molimau, o loo tuua’ia e faapea sa alu saoasaoa lea pasi ma ua le mafai ai e le avetaavale ona faafoe.  

O lea faalavelave na maumau ai le ola o se alii e 30 tausaga le matua o Siumu ma manunu’a ai le sili atu i le 50 o le pasese.

PM
By Pai Mulitalo Ale, 09 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?