O le Bluesky ma le Tauvaga o le Tausala a Samoa

FS
By Faaliliu Seagaitumua Tupuola, 31 August 2016

“O se nofoaga matagofie lenei o le natura atoatoa ma o lea ua avea ai ma nofoaga e sili ona talafeagai mo le tatalaina aloa’ia o le Tauvaga o le Tausala o Samoa a le Bluesky 2016, o le faaaliga lea a le faatonu o le Tauvaga a le Tausala o Samoa 2016,” o La’eimau Oketeni Tanuvasa ananafi. 

O lea sailiga mo se tausala fou e manumalo na tatala aloa’ia i le Forest Cafe i Afiamalu. 

Ae a’o lumana’i ai le faafeiloa’i atu e sui tauva mo le Sailiga o le Tausala o Samoa-e i latou lava i malo faaaloalogia ma sui faasalalau, na faalauiloa e le o loo faamaopoopoina lea sauniga i latou o loo lagolagoina le tauvaga lauiloa o lenei tausaga.

Faatasi ai ma le Bluesky lea o loo ia te ia aia tatau e faailoa ai lagolago autu e pei o le TV1, o lagolago fesoasoani e aofia ai le Faletupe o le Pasefika i Saute ma le Samoa Ford Ltd ma lagolago faaopoopo, o le Samoa Observer, Lucky Foodtown ma Taula Beer. 

E pei ona avea ma faiga masani, o sui tauva e to’avalu mo le Tauvaga o le Tausala o Samoa na talosagaina ina ia latou filifili se numera, lea e mafai ai ona faatulaga le faagasologa mo taimi latou te o’o mai ai i luma i totonu o le tauvaga.

Sa faatino lea tulaga e ala i le fesoasoani a le Tausaga o Samoa, o Ariana Taufao. Na lagolagoina foi e le Tamaitai i latou e ono tula’i mai i le faagasologa o le taualumaga tau le filifilia o se mataupu.

O nei mataupu mo sui tauva o le Tausala Samoa ia faailoa ai e faaapea o lea tauvaga –e le o faatagā faia e pei ona manatu ai isi.

 “Matou te manaomia a matou tausala tauva ina ia faapito o latou mafaufau i le sailiga i le faagasologa o lo latou taimi i le Tauvaga o le Tausala a Samoa. E tatau ona latou aoaoina se mea ma malamalama lelei i le mea o loo tupu i totonu o le atunuu o loo avea ai i latou ma sui.

E leai se tasi e tatau ona avea ma Einstein poo le fai o lea tulaga ina ia matua lavelave,” o le faaaliga lea a La’eimau ma lona loto talitonu.

O mataupu mo sui tauva magafagafa e aofia ai le tulaga tau autalavou i totonu o le atunuu, o faafitauli o le a feagai ma Samoa e afua mai le suiga o le tau ma le mataupu tau le tulaga tutusa o tagata i totonu o Samoa. 

ADVERTISEMENT

Ina ia mafai ona iloa e sui tauva le taua o lo latou auai, o le fautuaga lenei a le Ofisa Sili o Pulega o le Pulega Tau Turisi a Samoa o Papalii Sonja Hunter-mo tama’ita’i talavou. 

“A mavae atu lenei tomai faapitoa, o le a e aga’i atu i le lalolagi ma le tulaga mautinoa e sili atu. Pe avea oe ma saienesi, tagata e lele atu i le vanimonimo, se pailate o se vaalele ma isi mea, e te mafaia i taimi uma ona tauave nei meaalofa matagofie ua tuuina atu e le Atua ia te outou ma mafai ai ona e sailia isi mea  ma maua.

Tusa lava poo le a le mea e te faia i le lumana’i, o le a tumau pea ona aloa’ia oe e Samoa, talu ai, na e auai i lenei tauvaga,” o le faaiuga lea o lana fautuaga. 

Sui Tauva o le Tauvaga o le Tausala a Samoa a le Bluesky 2016 

Miss Fuatino’s Fashion: Tina Kerisiano Moe

Miss Lila’s Flora: Abba Rose o le Dinah Vaiaoga-Ioasa

Miss Love Lani xo: Priscilla Paleagese Finally Olano

Miss Samoa Ausetalia : Miriama Latu Meafou

Miss Samoa Niu Sau Uelese: Tayla Jane Scanlan

Miss Samoa Niu Sila: Naomi Eta Fruean

Miss Royalty Creations: Esther Timoteo

Miss TAPZ Fashion Style: Maria Elena Schuster Falepunaoa Maposua

FS
By Faaliliu Seagaitumua Tupuola, 31 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?