Fa’atali pea leoleo i le ripoti a le foma’i fa’apitoa mo tino-maliu

DF
By Deidre Fanene, 11 July 2016

O lo’o taofia pea i le fale-maliu le tino o le fa’afafine lea na maua o tautau ifo i iviivi o le maota o le Ekalesia Katoliko i Taufusi, ua maliu.

Na fa’amaonia mai e Maotaoali’i Kaioneta Kitiona - le So’o-‘upu a le Matagaluega o Leoleo, o lo’o fa’atalitali pea le Ofisa i se foma’i-fa’apitoa e fa’atinoina se su’esu’ega o le mafuaga o le maliu. 

“E masani lava ona tolu i le fa aso e fa’atali ai mo se foma’i-fa’apitoa e o’o mai ai,” o lana fa’aaliga lea. 

ADVERTISEMENT

“’Ae tatau ona matou toe tulitulia le falema’i pe aisea ua ‘umi ai ona fa’atali.

“Matou te le o iloa fo’i po’o afea e taunu’u ai le foma’i lea. Pau le mea ua iloa, o lo’o fa’atali i le foma’i-fa’apitoa.” 

O le masina talu ai, na maliu ai le fa’afafine lea o Jeanine Tuivaiki.

I le amataga lava, na manatu o le pule-ile-ola le mafuaga o lona maliu.

“E sa’o sa matou maua ni fa’ailoga i le tino o le ua maliu, e ta’u mai ai, e foliga e le o le pule-ile-ola le mafuaga o le maliu, ma o le mea la lena o lo’o toe tilotilo toto’a iai. ” 

Na ta’ua e Maotaoali’i, o lo’o naunau e vave fa’atino le su’esu’ega-fa’apitoa lea o le tino o Jeanine, ae ‘ave i tua i lona aiga mo lona falelauasiga.

DF
By Deidre Fanene, 11 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?