Manumalo le Samoa Observer i le “vaega tele o tala fou maoa’e e tuuina atu”

VM
By Vatapuia Maiava, 28 April 2016

Na manumalo le Samoa Observer i le tolu o faailoga e fitu i le faamanatuina o le Faateleina o le Auai o Tamaitai i Polokiki i totonu o Samoa (I.P.P.W.S.) Faailoa tau Nusipepa mo le Tulaga Lelei tau le Lipotia o Tulaga Ma’ale’ale o le Lipoti o Faiga-Palota a Ituaiga o Tagata na lipotia anapo.

O Tusitala o Tala Fou, o Lanuola Tusani Tupufia ma Sarafina Sanerivi na manumalo i faailoga o le ituaiga o lomiga o le tauvaga faatasi ai ma le aloa’ia o le Samoa Observer e le Polokalame Tau le Atiina A’e a Malo Aufaatasi ma Tamaitai o Malo Aufaatasi mo le Puna e aupito i sili ona lauiloa o Tala Fou” e tusa ai ma le ituaiga o tagata e faatauaina ia lipoti.

O ia faailoga na tauaao atu e le Sui o Malo Aufaatasi e Faamaopoopoina i totonu o le atunuu o Lizbeth Cullity. O le Faatonu o le Samoa Observer,o Mata’afa Keni Lesa, na ia talia lea faailoga e fai ma sui o le Samoa Observer.

O le sauniga mo ia faailoga sa faatinoina i le Fale o le Pulega Tau Turisi a Samoa. Sa auai le Sui Palemia o Fiame Naomi Mataafa ma Sui Usufono o le Palemene, o Faimalotoa Kika Stowers ma Gatoloaifaana Amataga Gidlow.

E lua ni faailoga mo le faasalalauina i le ‘ea ma talanoaga ma sui faatutu tamaitai mo le faiga-palota na maua e le Talamua Media ma lana tusitala o Lagi Keresoma, le tagata ua leva ona faia faasalalauga i le leitio, o Vaasiliena Iupati sa faapea foi ona aloa’ia mo lana galuega i le Leitio 2AP faatasi ai ma se vaega o polokalame o talanoaga ma sui faatutu tamaitai.

O ia faailoga e aloa’ia ai tusitala o tala fou ma ofisa e tuuina atu ai tala fou mo le tusitusia lea e le gata ina paleni lelei, ae ia lu’i ai fo’i ituaiga o tagata ma siitia ai le iloa e uiga i le taua o le auai o tamaitai i polokiki ma le avea ma sui tau polokiki.

O le Sui Pule o le Iunivesite Aoao o Samoa, o Polofesa Fui Asofou So’o, na ia faafetaia i latou na maua faailoga. 

“O le mea muamua lava-e tatau ona ‘ou momoli atu le faamalo i tusitala o tala fou ua manumalo ona ua aloa’ia le latou galuega fita i lenei po e ala i le muamua-o faailoga tau nusipepa a le P.P.W.S. mo le tulaga lelei e manatunatu ai tagata i le lipotia o le faiga-palota i totonu o Samoa,” o lana faaaliga lea.

O sea ituaiga o taumafaiga o loo faatūtū i le siitia i le tulaga e sili ona lelei o faiga masani tau tusitala o tala fou ma faatulaga ona tulaga tau le poto faapitoa mo isi ina ia mulimuli ai.”

ADVERTISEMENT

“I se taumafaiga ina ia mautinoa le lumana’i o tusitala o tala fou ma tagata tusitala o nusipea i le taimi nei-e sili ona lelei pe a tapenapena ma faa-auupegaina mo le tuuina atu o le poto ua aoaoina e ala ia latou lipoti e uiga i le tulaga tutusa o tagata i totonu o polokiki.”

Ona se’e ane ai lea o le sui pule i nisi o ituaiga o mea o loo feagai ma Samoa.

“O ia Ituaiga eseese e tumau pea i totonu o nusipepa o aso uma, o tamaitai e masani ona faaalia e faapea ua na o i latou lava ia e tausia aiga ma e faalagolago i alii poo e avea ma mea e aloa’ia e alii,” o lana faaaliga lea.

Ona o lea tulaga-o loo i ai se sootaga o le auai o tamaitai i totonu o nusipepa ma tulaga tau le toe faaleleia o lo latou auai. E ono mafai ona finau mai se tasi e faapea o alii foi o loo noatia i faiga eseese i totonu o nusipepa; ua faatusaina i latou faapea e sili ona malosi ma pule toatasi.

“E itiiti lava se avanoa mo mafaufauga fetuuna’i tau le malosi; e foliga mai ua faitioina e nusipepa alii ona o le le popona poo le faatinoina o galuega tau le aiga ma o i latou ia e tete’e i sauaga.”

“O ia faatusatusaga e mafai ona faaseseina ai manatu e tusa ai ma mea e manaomia e tagata o le atunuu mai alii ma tamaitai ae mafai foi ona faapea e ono maua mai ia i latou, latou te siitia le le paleni o mafaufauga tau matafaioi a tamaitai ma alii i totonu o le atunuu.”

.E tusa ai ma le Sui Pule o le Iunivesite, o Nusipepa na te faatinoina se galuega taua tele e uiga i le mataupu tau le tutusa o le tane ma le fafine.

“E tatau i tagata e faatinoina tusitusiga i nusipepa ona malamalama ua talafeagai lenei mea ina ia mafai ai ona faatinoina ma tulaga lelei le tutusa o ituaiga o tagata,” o lana faaaliga lea.

E tatau ona tuuina atu atoa le mafaufau i le sailia ia mautinoa ma le faatinoina o nei tulaga le tutusa o tagata ma avanoa o i totonu o nusipepa. E faaopoopo atu i lea tulaga-e tatau ona i ai se faiga tau le mafaufau ina ia ‘aua nei faaalia tamaitai ma alii i totonu o ia ituaaiga eseese o faiga.

“E tatau ona ‘ou faafetaia le  U.N.D.P ma tamaitai o Malo Aufaatasi, o loo fai paaga ma le malo o Samoa ma Ausetalia e lagolago le faateleina o le auai o tamaitai i totonu o Samoa, ua latou faataoto le ala mo a tatou nusipepa ma tamaiti a’oga tau tusitala o nusipepa, latou te aoaoina ai ma faailoa atu mataupu e fesootai ma ituaiga o tagata ma polokiki i totonu o Samoa.”

O lea afiafi sa talimalo ai le e faamaopoopoina le UN Women’s Country Programme, o Suisala Mele Maualaivao. E 26 i latou na auai na tuuina atu e nusipepa a le atunuu.

VM
By Vatapuia Maiava, 28 April 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?