E taua le galulue faatasi o tagata uma o le Nuu

SS
By Seia Soloi, 18 March 2017

A maopoopo pulega  a Alii ma Faipule o so’o se afioaga o le foliga vaaia lea o se Nuu manuia ma le fealofani ona tagata ma e ola galulue faatasi ma pulupululima i mea e lelei ai le Nuu.

O le manatu faaalia lea o le tama ia Soliola Lokeni Iosia, 69 tausaga le matua ma ii le afioaga o Lepa, Aleipata. O lona manatu maualuga e afua ma i mauga tetele le manuia o nuu ma afioaga.

“A maopoopo Aliima Faipule o le leleiga foi lena mo le nuu atoa ae a faaletonu mai taitaiga i luga, e faapena foi ona faaletonu tagata uma o lo’o ola ma soifua ane i le nuu” 

Ua maitauina e le tama ia Soliola le tele o suiga i lenei vaitau o le soifuaga, ma o lona talitonuga o nuu lava e afua atu ai mea lelei uma mo le ola ai o soo se aiga Samoa.

“Ua tatou iloa ma vaai i suiga tetele i lenei olaga pe a faatusatusa atu i aso ua mavae, e mamalu pulega a matai e faapena foi le mamalu o tagata uma i totonu o le nuu.

Na ia faaalia foi o le afuaga o tagata uma o totonu lava o lona nuu e afua atu ai.

ADVERTISEMENT

“Soo se tagata soifua lava, e amata atu lava lona olaga i totonu o lona aiga ma lona nuu, ma e aoaoina foi i tu ma aga e faia i totonu o le nuu, ma o i la e iloa ai le mamalu o pulega a matai.

Ma i le atinaeina o lona aiga i mea e fai o lo’o lelei mea uma ma le maopoopo lelei lava, ae pau lona manaoga o lo’o moomia lava se tane-vai mo le ola sefe ai lea o le latou fale ma ii tupe faaalu o lesuavai.

“Pau a lea o le mea o lo’o moomia o se tane vai, toatele nisi o aiga o le matou nuu o lo’o moomia lea tulaga aua le sefeina o le suavai mai le faaalu ai o le tele o tupe a aiga” o lana tala lea i le Fofoga o Samoa

“Talu mai lava le Tsunami o le 2009, e oo mai lava i le taimi nei o le tulaga pito i moomia lava lena i totonu o lo’u ia aiga. Aua a tatou iloa ola sefe e iloa foi ona ola fuafua.

I le aumau ai o le tama i Lepa,Aleipata o lana mau e sili faaafe ai lava nuu i tua nai lo nuu tu i le taulaga.

“E maopoopo toe lelei faiga-nuu ae sili ai le mamalu ma le iloa ona tausi le ava fatafata, ae o nuu tu taulaga tele faalavelave ua tutupu mai ai, maua le saogalemu foi i lenei vaitaimi.

Na ia faailoa foi o le galulue so’oso’o tauau lava ma tagata o le afioaga e mama ai le avega.

“O manaoga uma ia o tagata o lo matou nuu, ia moomia lava se tane-vai e le gata mo matou i le taimi nei ae ia ola ma tutupu a’e fanau i le lumanai ae o lae e faaaoga tatau.

SS
By Seia Soloi, 18 March 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?