Mana’omia le suavai i nofoaga uta

AL
By Aruna Lolani, 28 September 2017

O lo’o talosaga ina e Piula Esela mai Tuana’i se suavai.

E 39 le matua o lona soifua ma sa ia ta’ua o le suavai a le malo e le o’o atu le tosoina i nofoaga i uta.

“Ou te nofo i tai le aai ae ou te sau a iinei aua o lea e iai la’u fa’ato’aga ae pau a le fa’afitauli o le leai o se suavai i uta nei.”

“Ae a i ai fo’i le vai, e mamao a i uta le mea e maua ai le suavai. E mana’omia lava le suavai ae e le maua iinei.”

ADVERTISEMENT

O Piula o se fai fa’ato’aga ma o le mafua’aga fo’i lena o lo’o manaomia ai e ia se fesoasoani ona o le vai e faaaoga i le faatoaga.

“O le tagata ia e galue mo lona aiga aua a le galue foi ua le aai le aiga.”

“O au sa ou faigaluega kamuta muamua ae na ou faamuta mai ona ua le toe iai nisi e i totonu o le aiga.”

E to’asefululua le fanauga ae o Piula le ui’i ma e to’alua ona tuafafine o lo’o latou nonofo iinei ao isi ua fai aiga ma nonofo i atunu’u i fafo.

“Ua maliliu o matou matua ae o laua lava ia sa ou iloa galue ma o lo’o ou taumafai pea ou te galue malosi pei o laua. O laua o ni tagata sa galulue malosi mo se lelei o le matou aiga ae o lea la ua ou mana’o ou te ola ai i le olaga lea sa laua amatalia mai aua se lumanai lelei mo au ma lou aiga.”

“O lo’o mafaufauina foi e toe sue sesi galuega i le lumanai e faaoga ai lesi taimi ae o le taimi nei, se’i fa’amuamua le fa’ato’aga.”

AL
By Aruna Lolani, 28 September 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?