Ia malosi le loto

IT
By Ioana Tupa'i, 31 October 2017

E ui i le vevela o le la ae le’I avea lea ma itu e faavaivai ai le taulealea ia Telea Viliamu ina ia mautinoa ia uma lelei ana samoasa ma ana keke pua’a ona faatau.

Na maua atu e le Fofoga o Samoa lea taulealea a’o toe agai atu ai o ia I lona aiga i Faleula I le maea ai o le faatauina o ana samosa ma keke pua’a.

E 27 tausaga le matua o lona soifua  ma o se taulealea matuai fiafia lava e faatino lana pisinisi laititi.

Telea Viliamu mai Faleula na nofo mai o ia mai lana galuega I le lua tausaga talu ai…

“ I le lua tausaga talu ai o lau pisinisi laititi lava sa fesoasoani malosi lava I le tausiga o lo matou aiga.

ADVERTISEMENT

“ O le seleni e maua mai e faasoasoa lava lea I le tausiga o si au fanau e toalua ma le faatupeina o nisi o faalavelave faaleaiga ma faalavelave faale-ekalesia.

Sa fesiligia foi lea taulealea pe le toe fia saili se isi galuega peitai sa ia faailoa e leai se isi uiga e toe saili ai se isi ana galuega, o lea ua mautu lava lana pisinisi laititi lea o loo faatinoina I le taimi nei.

“ Faatusatusa atu lana tupe maua a’o faigaluega ai e $150-$170 I le vaiaso.

“Peitai I le taimi nei ua mafai ona ou u’uina I lou lima le seleni e $160 I le $300 ile aso mai le faatauina ai o au keke pua’a ma a’u samosa o loo gasese mai lava I le fale.

“E ui lava e le o se pisinisi tele ae o loo mafai lava ona tausia ai si ou aiga.

Ae o loo iai lava lona faanaunautaiga ina iai se taimi oi luma e ono faatele ai lana pisinisi ae mo le taimi nei o loo tau amata lava…

I le maitau a le susuga ia Telea I le toatele o tupulaga ua nonofo I aiga ona ua le mafai ona faaauauina a latou aoaoga e ao ona o latou finau e saili auala eseese e mafai ai ona fesoasoani I le tausiga o latou aiga.

“E ao ona faatino a latou pisinisi laiti ma saili fesoaoani mai faalapotopotoga eseese tumaoti poo le malo e maua ai seleni e fesoasoani e ono faavaeina ai a latou pisinisi laiti. 

IT
By Ioana Tupa'i, 31 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?