Osofa'i e le Palemia manatu o le faatonu o le Samoa Observer -fai mai o "mataupu ua ta'ua so'o…lē fuafua lelei, ma e faapito-tasi."

14 June 2016

O se faagasologa o Manatu o le Faatonu na lomia i totonu o le Samoa Observer i le va o le Aso Tofi 26 o Me, ma le Aso Gafua 30  Me, e manino mai ua sasao ai le ita o le Palemia o Tuilaepa Sailele Malielegaoi-lea na tali mai i ai e ala i se osofa'ia o le Samoa Observer o tusitala o manatu o le faatonu -fai mai e faalumaluma, fai pito tasi…ma o mea ua ta'ua so'o). Ae peitai-e tusa ai ma le Samoa Observer, o manatu o le Faatonu ia o loo faaseā ai Tuilaepa, o loo faailoa atu ai le mea moni, ma e leai lava se isi mea vagaga ai le mea moni. O lona le fiafia na faaalia manino i totonu o ana tali i le faagasologa o se talanoaga ma le Nusipepa o le Savali i le vaiaso talu ai, o faamaumauga o lea talanoaga sa tuuina mai i le Samoa Observer e le Sui Failautusi o Nusipepa, o Renate Rivers. 

Tala Fou a le Savali: E faatalofa atu i lau AFioga. O lea faatoa mae’a atu se Aso faamanuiaina o le Tutoatasi sa faamanatu i le Malae o Taaloga i Faleata, ma o le tala fou o le tupe lea faatoa faailoa mai ma o loo i ai se lagona malosi o le mitamia o le atunuu ma le faamoemoe atoaoa mo se lumana’i ma se mea o taoto mai luma mo lo tatou atunuu. I le avea ma Minisita muamua o Tupe, o le a sou finagalo e uiga i le tala fou o tupe?  

Palemia:

E pei lava ona outou iloa, o le ‘auga o le tala fou o tupe o le “Faamalosia o Faavae: O Fale mo Taeao,” ia o lea ua manino mai le faamoemoe o le malo mo iinei- o le tuuina atu lea i totonu o le galuega ma faataoto poloka mo fale mo se tamaoaiga malosi ma le mata’utia mo a taeao. E pei ona outou iloa, o le ‘auga mo le tala fou o tupe. E taua tele lenei itu pe a outou iloa e faapea o le tamaoaiga o Samoa, ona o le itiiti o lo tatou atunuu ma lona nofoaga,  e matua lamatia lava pe a luluina mai fafo e pei o le pa’ῡ i lalo o le tamaoaiga, mala faale-ntura, ma le afaina i suiga o le Tau. 

Ua filifilia e le Minisita fou o Tupe ala i le faamaopoopoina. O le uiga o lenei mea i le malo o le matua faaeteete lea i le soona faaalu o tupe, se fuafuaga faigata tau le faamalieina ma se faasoa amiotonu o alamanuia. O le tausaga talu ai na ‘ou faataatia ai i le laulau-a-fono se tala o le tupe na talosagaina ai Samoa ina ia taumafai e soifua e tusa ai ma mea latou te maua, o le tausaga nei ua matou manana’o ai e fau se taeao e sili atu ona malosi ma e mafai ona faatumauina.  

Tala Fou a le Savali :

Ia-o le a le uiga o lena mea mo le tagata faatauvaa i totonu o Samoa, lea o loo taumafai e maua se tupe e ola ai ma fesoasoani e tausi o latou aiga ma o latou nuu? 

Palemia :

O lona uiga e faapea o le a tuuina atu le faamuamua a le malo i le faamalosia o faiga faavae ma le atiina a’e lea o le a maua ai ni faamanuiaga mo ni vaitaimi uumi  mo i tatou uma. E tatau ona tatou fausia se laasaga i luma mo atiina a’e e mafai ona faatumauina mo vaitaimi uumi. O le uiga o lenei fuafuaga o se tamaoaiga e vave ona maua poo ni manuia, e leai. 

O loo matou tuli-mata’ia pea le sailia o ni galuega mo a tatou tupulaga talavou ma una’ia le tuputupu a’e o pisinisi-talu ai- o le ivitu lena o soo se tamaoaiga. O la tatou vaega tau Turisi o se tasi lea o vaega e sili ona tele tupe e maua mai ai, ma o lea ua galue ai le malo ina ia faaleleia galuega faavae ma saili nisi avanoa mo tagata tafafao e o mai ai i Samoa ma faaalu a latou tupe mai fafo inei. Matou te manaomia tagata ta’ito’atasi, aiga, nuu ina ia maua ni galuega e aoga, ma faateleina le tulaga o le soifuaga o tagata taito’atasi uma o i totonu o Samoa. E tele auala o le a tula’i mai ai lenei tulaga- o mea uma lava mai le siitia o le tulaga o fuafuaga tau Galuega Faa-Vaitaimi ma Niu Sila ma Ausetalia, i le faaleleia o taumafaiga tau turisi ua tatou faata’oto,  le toe faaleleiga e matua tele tau fesootaiga –o le a suia ai faiga tau fesootaiga a Samoa ma le lalolagi atoa. Ma o le mea moni-o le a tuuina atu se faamamafa e matua tele i faatoaga. O Povi, mamoe, fale-pua’a, falemoa ma faatoaga tau mamoe, ae le faagaloina ai le totoina o laau fai mea’ai –ia o loo fesoasoani mai ai tagta o Saina ia i tatou, ma o loo faaauau pea ona fai a matou suesuega tau le faaofiina mai o le ituaiga fou o le talo e tali atu ai i le mana’oga e matua tele o loo i Niu Sila ma isi lava vaiinu tau le soifua maloloina –ia foi tatou te la’u atu i fafo. E o’o mai i le taimi nei-o i’a ia e auina atu i fafo o loo sili ona maualuga ia tatou oloa uma e auina atu i fafo-talu ai-e na o le lua lava kamupani faifaiva ia o loo faagaoioi i totonu o Samoa. 

Tala Fou a le Savali:

I le taimi nei la-tatou talanoa e uiga i tusitusiga talu ai nei a nusipepa lea na toe ta’ua ai faiga pi’opi’o tau tusi folau mai le ivasefulu ma masalomia ai taualumaga a le Palemene. Na lomia e le Samoa Observer ni manatu tuai o le faatonu e afua mai se taimi toetoe lava o le luasefulu tausaga talu ai, o loo faapea mai ai o le faigamalo talu ai a le HRPP-na faatauina atu tusi folau. 

Palemia:

O le 2016 lenei.  O lea ua tatou aulia le 21 senituri,  o le mea lea-o le lomia e le nusipepa o mataupu ua leva lea ua toetoe lava atoa  le luasefulu tausaga talu ai-ae fai mai le anoano o mea i le ituaiga o puta ia o loo soifua ai pea nisi o nei nusipepa. O lona uiga- ua leai ni a latou tala fou.  

Tala Fou a le Savali :

Ae o le a la sou lagona e uiga i nei manatu o le faatonu? 

Palemia: E ese ai mai le mea moni e faapea o i latou –ae sili ona latou lelei i le toe faaola mai o mea ua leva? Ia, ua logo mai ia te a’u o nei manatu o le faatonu e matua tumu i mea faalumaina e le masani ai, e pito tasi faamatalaga tatou te maua mai le Observer. 

A toe tilotilo i tua i ia tausaga, ou te manatua o lea mataupu ua uma ona fai le faaiuga e se Komisi Su’esu’e faatasi ai ma ni suesuega a Leoleo ma ni moliaga mulimuli ane ai e faasino  i ni alii ofisa se to’alua ia na tuua’ia na la faatauina atu tusi folau Samoa. Talu ai ona e le mafai ona ta’u-salaina se tasi se’ia vagana ai ua faapea ona faamaonia e se faamsinoga, o lea sa matou manatu ai e faapea o lea mataupu tau le faatauina atu o tusi folau o le a faauma i lena taimi.  Ae ui o lea, o se tasi o alii ofisa na tuua’ia na maliu i luma mai o le aso o le faamasinoga ma ina ua fofogaina le faamasinoga o le alii ofisa lona lua, sa faaleaogaina ona o se tulaga faigata faale-tulafono lea na mafua ai ona toe teuteu mulimuli ane le tatou tulafono.  

O le mea lea, o le mea sa avea ma faaletonu tau pulega ma le taualumaga masani i totonu o le Matagaluega o Femalagaiga i lena taimi, na faaaoga sese e avea ma taaloga faa-polokiki i le faaiuga ma se faiga faa-togafiti a nisi o Sui Usufono o le Itu Agai. O le mea lenei sa tuuina atu i tagata lautele e ala i tusitusiga a i latou e ou nusipepa ia sa alolofa ma ‘au i le itu agai. O le faamatalaga a le Observer e faapea sa leai se talanoaga i totonu o le Palemene e uiga i lenei mataupu tau tusifolau e matua lapisi lava. 

 O Faamaumauga o Taualumaga  i totonu o le Palemene o le a faaalia ai e matua tele talanoaga ina ua uma ona tuuina atu e le Palemia o Tofilau lana lipoti ina ia faamaonia i totonu o le Palemene e faapea ua tuua’ina sese le faigamalo i le faatagaina faa-solitulafono ma tuuina atu o se sitiseni ma se tusi folau i se tagata mai fafo –o le tama teine a lona afafine na tuuina atu i ai se sikolasipi i lalo o le faiga tau sikolasipi a le malo, ma o faamaumauga faamaonia sa tuuina atu i le Palemene e Tofilau, e faamaonia e faapea o le faaiuga na fai mo lea teineititi sa mulimulita’i i le mea moni e faapea o le tamā o tina o lea teineititi ma le i ai o lona suli i Samoa –sa tuuina atu foi i ai sitiseni e le Minisita muamua o Femalagaiga i le faigamalo i luma atu, poo le HRPP lea.  Ou te manatua lelei lea felafolafoaiga talu ai-sa ta’ua ai foi lo’u sainia, i le avea ma Sui Palemia, a’o toesea le Palemia i nuu mamao, o pepe e uiga i le tuuina atu o se tusi folau i se tagata a’oga –ina ua mae’a ona faamaonia e le Faauluuluga o Femalagaiga e faapea ua uma ona tausisia le tulafono. Sa tatau ia Sano  ona siaki ana mea moni a’o le’i amata ona fai ana tusitusiga e uiga i mataupu-ua tonu ia te ia o le a na faagaloina. 

Tala Fou a le Savali :

ADVERTISEMENT

.O loo ta’ua foi i ia manatu o le faatonu sa i ai se fuafuaga maoa’e tau le Teuina Faafaigaluega o Tupu e fafo e faatau atu ai a tatou tusi folau i tagata mai fafo e maumea. 

Palemia

 Ua leva ona ma o loo faaauau pea ona ia faamaonia sitiseni mo ituaiga uma o tagata mai itulagi eseese o le kelope e aofia ai Asia Matou te tuuina atu sitiseni i tagata Europa, Amerika, Tagata o le Pasefika, tagata Ausetalia ma soo se tagata ia ua tonu ia i latou e fia avea Samoa ma o latou aiga. O le mea lenei e fai e malo.  O le mea o loo taumafai lea nusipepa e fai o le tuuina atu lea o se tulaga masalomia i luga o se vaega faapitoa o tagata femalagaa’i. Pe o lenei mea e pogai mai le popole i tagata mai fafo, poo le musu e fai se suiga, poo le ati a’e  poo le fia avea ma tagata faailoga-lanu, e faigata ona iloa talu ai o nei manatu o faatonu e tumu saisai i taimi uma i le manatu o le tagata ma le matua faasolo atoa o mea uma.  O le tele o nei mea o mea moni latou te tuuina mai-e le o mafai ona sili atu i lo le manatu o le tagata lava ia. E talia e le malo teugatupe faafaigaluega i fafo! Ona pau lava lea o le ala moni e mafai ona ati a’e a tatou pisinisi, lea e pei ona iloa e tagata uma, o le ivitu lea o lo tatou tamaoaiga. E faapefea la ona tatou maua nisi galuega mo le tatou tuulaga talavou o loo faatoateleina pea? O le faamata’u lea o loo fai e nusipepa e uiga i teugatupe faafaigaluega i totonu o Samoa e matua feteena’i lava ma latou faasea fai soo e faapea e le o lava mea o loo fai e le faigamalo e maua ai ni galuega pe fo’ia ai mataupu lautele ia e afua mai le leaga o le atiina a’e.  Ia, o lea fea la mea o le a fai? E manaomia ‘ea e nei faitioga laiti le atiina a’e o Samoa ma faatosina mai nei avanoa fou. pe latou te manana’o e taofi tagata mai fafo ona o popolega e le faamaonia tau le umia e tagata mai fafo o le anoano o pisinisi i totonu o le atunuu? Ia te a’u lava ia-o nei mea e igoa o tagata faitio o ituaiga ia o tagata faailoga lanu.  Ma o le itu e sili ona taua, o le a le mea e manaomia e tagata lautele? O le tali i lea fesili o le manumalo uiga ese ma le talitonu i vaai mamao a le malo, e pei ona faaalia i le tatou faigapalota ia Mati. E talitonu ma faatuatua le atunuu ia matou fuafuaga mo le lumana’i, o le pogai lena toetoe lava a pulea atoa e le HRPP le Palemene. 

Tala Fou a le Savali:

 O lona uiga la o oe, sa faatinoina le galuega mo Tofilau, sa leai sa mea na fai tau le faamaoniga o sitiseni mo tagata mai fafo ia semanu e le agavaa i ai? 

Palemia:

Vaai outou, e le faatali le malo pe a toesea i atunu mamao le taitai. O le mea moni lena. O le galuega a le malo e le taofia pe faatali mo soo se tagata, e le faatali foi mo se Palemia.  Afai ou te malaga i fafo, e i ai lava se tasi ua tofia na te tauaveina a’o toesea o au. I le avea ma taitai o le malo, o matou e saini i le tele o mataupu eseese e taua mai fegaiga e tele, tulafono tau faaofi a le Palemene, faaiuga a le Kapeneta se’ia tau lava i lalo i pepa o aso malolo  mo ma’itaga  ma le faamaoniga o pepa tala tupe o faletupe ma faamaoniga mo tupe faa-meaalofa mo tagata saili tupe mo a matou ekalesia. 

Matou te sini pepa e faataga ai, faamaonia ai, tuuina atu o le pule, vavae atu. Faataga ina ia mafai ai ona tafe pea pisinisi a le malo i le tulaga lelei.  

O le faiga lenei e faatino ai o’u tiute ma faamaonia sitiseni mo le toatele o tagata ua leva ona tapena e alii ofisa ma tuuina atu ina ia faamaonia.  O le mea lenei e fai e Palemia uma lava, toe foi i tua i le tele o tausaga ma tausaga. Ina ua avea a’u ma Palemia-na ‘ou toe suia la’u faiga. O i latou ua faamalieina a tatou manaoga tau sitiseni e tatau ona fai a latou tautoga ma tuuina atu ia i latou o latou tusi faamaonia tau sitiseni  ma molimauina e Minisita o le Kapeneta i totonu o le fono.

Atonu e le o manatua foi e tusitala o le Observer e mafai ona latou faia mea o loo latou mafaufauina ae ou te manatu afai e lelei le fifilifiliga a lou mafaufau, e faasolo ina e fulitua i isi mea mea ia e e le talafeagai ma le va-apiapi o le malae o lau silasila.

Tala Fou a le Savali:

Ae faapefea tuuaiga tau tusi folau e le o maua ma faatau atu? Na e iloa ae leai se mea na faia? 

Palemia:  

O le taimi lava na matou iloa ai, ma faitau e uiga i tuuaiga tau le faatauina atu mai lipoti, sa matou gaoioi loa lava. 

O le Malo o se masini tele, faatasi ai ma le tele o vaega eseese o vaega e mafai ona faagaoioi. E te talitonu e faapea o faiga-malo lelei e fua i lona tulaga na te mafai ai ona tausi ma faagaoioi mea uma i se tulaga lelei. Ae peitai- e leai se mea e faavavau o lelei, o le mea lea- o le taimi lava na manu mai ai lenei mataupu tau tusi folau-sa mafai ona vave la matou gaoioi ma tofia loa se Komisi Suesue na te suesueina lea mataupu, ma o suesuega a Leoleo mulimuli ane ai na faamaonia ai tagata e noatia mo le faatauina atu faa-solitulafono o tusi folau. E pei ona ‘ou fai atu muamua, o le taunuuga o suesuega, na gaoioi ai le malo ma toe faaleleia le tulafono ma toe teuteu le Tulafono o Soligatulafono i lea taimi ina ia aofia ai gaoioig solitulafono na fai e sitiseni sa faafaigaluega e le malo i fafo atu o Samoa  O lenei la tulaga o lea ua aiaia i totonu  o le Tulafono o Soligatulafono 2013. O le uiga o leneai mea e faapea na matua faasaga le malo e fai ni laasaga e fo’ia ai le fuafua faale-tulafono lea sa le i ai ma faateleina le mautali atu i le tulaga atoa o lea vaega.  

Tala Fou a le Savali:

 Aisea e te manatu ai o lenei mataupu o loo lagalaga mai pea e isi nusipepa? 

Palemia:

 Masalo e mafua ona o le HRPP na ia faia talu ai nei se matati’a o le tala faasolopito e ala i lona manumalo a’ia’i i le tatou faigapalota lautele, ma o nisi o ta’ifau tuai, e masani lava i le su’e o le ponaivi a le tagata ia  ae o taifau ua matutua tele-e masani lava ona sili atu ona leaga a latou ou i lo le latou u. 

O lea ua le o toe i ai se itu agai, atonu ua manatu le Observer latou te faatinoina lea matafaioi e i latou lava ma tausi pea le faiga masani o le ou i le la’au sese.  Ae poo le a lava, o nei tala e leai se aoga mai ia Sano i nai vaiaso ua mavae atu e mafai ona ta’u faapuupuu i ni mata’itusi se lua.BS! 

Tala Fou a le Savali:

I le ta’ua la o le manumalo uiga i le faiga palota, e  mafai ona e valo’ia lea lava tulaga mo le Manu Samoa vs Georgia i le faaiuga o lenei vaiaso? 

Palemia:

O le a ‘ou faataatia lea valoaga mo le Manu Samoa.

14 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?