Faalia e se Tina le oti o se pepe

LT
By Lanuola Tusani Tupufia, 09 July 2016

O se suesuega i le oti o se pepe e tasi le tausaga le matua mai Siumu na valaau i totonu o le Faamasinoga Faa-Itumalo i lenei vaiaso.

O le tina o lea pepe teine faatoa fanau na tulai i luma o le faamasinoga ma na toe ta’ua le mea na tupu ia Me o le tausaga nei..Na faaalia e Seu Seana i le Faamasinoga o lea aso o se aso malolo mo tagata uma i le aso 28 o Me, 2016 ma o le taimi lea na alu atu ai o ia i le fale o le isi aiga e fai lana tagāmea. 

ADVERTISEMENT

.E to’afitu lana fanau e aofia ai ma le pepe ua oti.  

.E tusa ai ma lea tina-o lona tuagane na alu atu e aumai lana tagāmea ma toe taliu ane i lo latou aiga.    “Ina ua uma ona ia tuu le tagamea i le fale-na faa-solomuli lana e toe alu ese ai ae na te le’i iloa-o le pepe sa i tua o le taavale.” o le faaliga lea a le tina i le Faamasinoga. “Na matou ave o ia i le falema’i ae na oti o ia ina ua taunuu. O lo’u faatamala ua mafua ai le oti o la’u tama na fanau mai lo’u manava,”

Na toe ta’ua e le tina e faapea o lana pepe teine o loo tanu i luma o lo latou fale i Siumu.

Na ia faamata ua molia lona tuagane ona o le oti o lana tama teine lea na ioe ai i lona nofosala i le avetaavale faatamala ua mafua ai le oti.. 

O le Alii Faamasino o le Faamasino e suesueina mafuaga o maliu o Vaepule Vaemoa Vaai –na ia toe tolopoina le mataupu se’ia o’o i le aso 20 o Iulai mo lana faaiuga.

LT
By Lanuola Tusani Tupufia, 09 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?