O SIAMANI SAMOA

FN
By Fuimaono Na’oia Faasavalu Touli F. Tupua, 05 August 2016

O le matagofie o le tofi tau le fausia o fale i le taimi o Siamani-o se sao lea o Albert Schaafhausen-o ia lea na avea ma Tusiata a le Malo. O ana ata tusia o fale-na aofia ai vaega faaopoopo i ofisa o le Malo, le Ofisa o Mataupu Tau Samoa i Mulinuu, le Ala Laupapa i Vaisigano ma le Fale Faaili (Music Pavilion) lea sa i Matafele. O Fritz Stuenzner-lea sa avea ma konekarate fau fale mo le Malo-o ia lea na faatinoina le fausia o le Ofisa o Mataupu Tau Samoa, le Uafu o le Tivoli, Aoga i Malifa, le Fale Tele o le Ekalesia LMS i Apia ma le Falepuipui i Vaimea.

O le Aiga o Stowers sa faatinoina foi lea lava matafaioi-e ala i le fausia o le Malumalu o le Ekalesia Katoliko-faatusatusa i le galuega a Polo-o le fausia lea o le Falesa o le LMS, le A’oga a Felela Malisi i Mulivai ma Fale o lea Ekalesia i Moamoa, ae o Amando ma James Stowers- na fausia le fale talimalo fou o le Central Hotel ma le Tia o Mataafa i Mulinuu i le 1911.

O Fred Syddal-o se alii tusiata Peretania-sa tele foi sona sao i lea matātā i le faagasologa o le 1920-ae na fai foi sona sao i lea lava matatā i le faagasologa o tausaga o le pulega a Siamani-e pei o le fausia o le Faleoloa o Huch-lea sa faafesaga’i ma le Central Hotel.

ADVERTISEMENT

O LE VAITAIMI O LE NOFOIA E FITAFITA O LE ATUNUU-Sa nofoia e le Vaega-‘au a Niu Sila- Siamani Samoa i le 1914-e aunoa ma se tete’e. O le teritori muamua lava le o Siamani -na ave faamalosi e Malo Aufaatasi. E ui lava ina faatauvaa le aoga o Samoa poo sona taua tau tamaoaiga i lea Taua, ae na tuu atu ia Niu Sila le avanoa- e faataunuu ai le faamoemoe tau kolone -o le sefulu-iva senituri. O Alii Ofisa o Siamani ia sa faafoeina Samoa- na faa-falepuipui i totonu o Niu Sila ma e toatele ni tagatanuu o Siamani- na toe faafo’i atu i lo latou atunuu.

O Lutena Colonel Robert Logan-o le Pule lea o le Fitafita- sa na pulea se ‘olo o ni tagata e tusa ma le 300 alii. O le Pulega Faa-fitafita na ia nofoia Vailima- ae o le fale o le tiute sa fai ma nofoaga o fitafita. O togā-lauapi a fitafita sa fai i Matafele, Sogi ma Vailima-faatasi ai ma se togā-lauapi tau falema’i-lea sa fai i Malifa. O ‘olo fou a Fitafita- sa fausia i le 1915-lea ua leva ona avea ma nofoaga o Leoleo i Apia-i le ala Leifiifi.

O le suiga o le faiga faavae-sa matua tele lona faigata i le faagasologa o le vaitaimi- o le nofoia e fitafita o Samoa-ma o se taumafaiga lea- ina ia aveeseina tagata faigaluega leipa mai fafo-lea sa mafai ona faatinoina galuega- ona o le malosi o le una’iga mai Peretania.  Ina ua mavae le 1915-sa toe faafo’i atu ia tagata faigaluega mai Saina ma Melanesia e aunoa ma le toe suia i nisi tagata faigaluega-ma o lona taunuuga –ua faaitiitia ai lea fuainumera i le 60%.

O le taimi lea na faavaeina ai Morris Hedstrom mai Fiti i totonu o Samoa e avea ma kamupani ta’iala tau fefaatauaiga i totonu o Apia, faatasi ai ma le Bank of New Zealand ma le Union Steamship Company a Niu Sila-lea na tatala aloa’ia ona lālā i Apia i le 1914 ma le 1915. O le fale e uiga ese lona fausaga i le faagasologa o le nofoia o Samoa e fitafita- o le “Alcazar Amusement  Centre” lea na fausia i le nofoaga tuai o le Tivoli Hotel-lea na faatama’ia e le afi  i le 1917.

Toetoe lava o se mea na fuafua e tupu i le taimi tonu o le Armistice i le 1918, ona o le faatalale aloa’ia o Niu Sila e tusa ai ma le le lava o ana lapata’iga tau le puipuiga-lea na pogai mai ai le “Faama’i Tele” lea na maliliu ai le 22 pasene o le faitau aofa’i o tagata Samoa ia na maliliu ai. O lona taunuuga mata’utia- na pogai ai le le fiafia-lea na pogai ai le tete’e o tagata Samoa-lea na faatetele i le 1920-ma i’u ai ina faaliliuina atu le ta’ita’iga o Samoa- i ni alii talavou.

Na faatuina se koluse ma’a i le fanua tanu i Vaimoso i le 1923- e faamanatu ai le Faama’i Tele. 

FN
By Fuimaono Na’oia Faasavalu Touli F. Tupua, 05 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?